段純貞牛肉麵 (如心廣場一期)

營業中

休息中

星期五夜晚八點幾，難得冇人排隊，終於有機會試下既然呢間出名食牛肉麵，冇理由唔試下，套餐都幾抵食，包左一碗麵，一個小食同埋一杯飲品，我哋叫咗一個嫩五花牛肉麵，紅燒腱心半筋半肉牛肉麵，小食就揀咗炸雞扒同埋雞湯炒手，飲品就揀咗珍珠奶茶同埋鳳梨愛玉😋兩碗麵，我哋都揀咗手工麵，手工麵係比較闊身，同埋都有啲厚度，食落去煙煙韌韌。嫩五花有少少似肥牛，食落都幾有牛味，因為我麻麻哋鍾意食牛筋，所以我就冇食到牛筋，不過男朋友話牛筋好食過牛肉，個湯飲落有少少辣辣地，幾啱冬天食，食完之後暖笠笠🥰兩款小食，都有驚喜，雞湯抄手，抄手都幾多肉，雞湯味道濃郁。至於雞扒，份量取勝，比想像中大件好多，雖然佢嘅炸粉都唔薄🤣結果要打包兩杯飲品就普普通通，鳳梨就有小小酸，愛玉淋咗少少，珍珠奶茶的珍珠唔夠煙靭🥲不過以呢個價錢嚟講，都算幾抵食，有機會都會再幫襯👍

食嘢除咗食物質素之外，服務態度同環境都好影響用餐感受⋯今日約咗朋友喺荃灣西行街⋯突然思鄉想食台灣嘢⋯就行咗入去段純貞⋯喺門口就有個男職員好Nice咁同我打招呼問幾多位⋯安排咗我哋入去坐之後，仲同我哋簡單介紹個餐牌，同埋有咩推介⋯我就叫咗個雞肉拌麵，我朋友就食擔擔麵⋯食物質素中規中矩，真係有待改善⋯我有喺其他地方食過段純真⋯味道就好過呢間⋯係用餐期間，我見佢啲職員都好有禮貌咁招待客人⋯尤其是個男職員（好似係經理）好有心機，用英文介紹食物俾個客人聽⋯呢樣真係值得一讚⋯

荃灣好多好嘢食， 尤其是而家荃灣西開咗好多間餐廳。 今日我就去咗喺如心廣場嘅段純貞， 呢間嘢之前好多人排隊，試下呢間餐廳啲牛肉麵正唔正宗。店內環境好舒服， 枱唔會擺到好逼， 足夠放到好多食物。 餐廳主打牛肉麵， 我哋就叫咗兩個麵加一個小食。送餐速度都好快， 食物擺盤都好靚， 而且份量都好多， 牛肉炆得好軟淋， 肉質鮮嫩， 好入味，麵質都好爽口， 每一條麵都好掛汁，好食！另外口水雞好符合香港人的口味， 唔會太辣， 滋味無窮！ 無論食物同環境都好台灣feel， 好適合三五知己去聚聚。 值得推介！

段純貞係來自台灣新竹市，非常有名氣嘅牛肉麵舖，佢哋嘅牛骨湯底以精選牛大骨及多達23種的中藥材及香料慢火細燉，香醇撲鼻。除了人氣嘅牛肉麵之外，其他麵類都好受歡迎。❤️紅燒腱心半筋半肉牛肉麵（手工麵） $88一送上嚟，濃郁的牛肉香氣和香料味流晒口水，湯底微辣，濃郁而不油膩牛腱心經過長時間燉煮，吸收晒湯底嘅味，肉質嫩滑鬆軟，筋好重膠質，唔會韌，冇咬唔開。手工麵條粗條，好有口感，本身睇落麵量唔多，點知食落好飽啊❤️燉濃湯雞麵 (細麵) $88清香嘅雞湯做湯底，即刻飲兩啖，暖笠笠🥰雞脾好大隻，好肥美啖啖肉！正到顛細麵幼細，淋身，好似雞絲煨麵嗰種質感兩者比較，我較喜歡手工麵❤️香芋珍珠奶茶 $32作為香芋fans嘅我，覺得略為遜色，係開奶粉嗰種味，我還是喜歡芋泥嗰種味道❤️金橘蜂蜜綠茶 $32清甜潤喉，有微微酸梅味道，開胃解膩，幾好飲📍荃灣如心廣場一期1樓105-107號舖

本身想食嘅鋪頭執咗笠，咁就求其搵間嘢食，見呢間幾多人就入咗去。108蚊一碗麵連嘢飲，但呢碗麵真係唔值。叫蕃茄湯牛肉麵，蕃茄湯冇蕃茄味，得啲一罐罐辣椒醬嘅味，一舊蕃茄同冇牛肉味嘅牛肉。佢嘅優點只可以講牛肉冧到無牙都食得同杯珍珠奶茶幾好飲。雖然知用QRcode落單係香港都係要收加一嘅，但都係要講句：淨係遞碗麵就收加一係憑咩。只可以講一碗嘢食最失敗嘅地方就係佢碗嘢入面所有食材都係各自有未但味道不能融合成一個整體。總結：未到難食但一啲都唔好食。

好耐冇去台灣，好掛念住台灣的牛肉麵味道，經過荃灣如心廣場，就去段純貞食牛肉麵🍜🍜紅燒腱半筋半肉牛肉麵$88湯頭非常深色，以為會好鹹，但入口清甜，唔係濃郁。半筋半腱炆得非常腍，入口溶化。手工麵有咬口。整體味道幾好👍🏻有回頭

因為想食牛肉麵所以試吓呢一間段純真見到都幾多人排隊一入去員工都好好叫左兩碗麵一碗係微辣牛肉細麵同一碗手工牛肉麵另外叫左兩杯奶茶香芋奶茶嗌咗少甜走冰味道啱啱好珍珠奶茶無少甜，所以有少少過甜牛肉麵湯底味道啱啱好唔會太濃或者太淡

姐姐🧍‍♀️放假🏖️，原本諗住老掌櫃，但要等100分鐘，放棄。最後揀段純貞，用埋$30 coupon，等15分鐘自取，點知行行下大雨☔️，撞倒流動垃圾袋男，佢以為我係同行，大家寒暄咗幾句。其實個紙袋太細拎兩碗面🍜都塞爆，行到半路斷埋繩，突然間明白到女士斷繩既感受，好彩☺️我眼明手快安全降落🪂地面再捧底返屋企，但冇手㩒𨋢同DO八達通，皓狼狽😅段純貞變咗斷純貞了。叫咗麻辣🌶️蒜味🧄腱心半筋半肉面🍜（手工面中辣）（$89.25），真係好辣🌶️，d肉好足料，酥炸排骨面（$79.05），珍珠奶茶🧋（$30.6），原來紙飲管係督唔穿膠膜既😅我要用木筷子🥢大力插個窿先，奶茶🥤偏甜啱我，珍珠都甜

行街求其揀咗一間餐廳食 點知有驚喜！啲肉質口感好好！湯底亦調得唔錯，啱啱好，味道出但又唔會有味精味！服務有禮，自助落單好方便，唔洗等！店舖整體感覺都好乾淨，坐得舒服

今次就係荃灣試試圖下呢間過江龍-段純貞牛肉麵‼️ 見評語唔錯，所以一直都好想去試下，食物質素確實不錯😋👍👍但價錢偏貴。❇️招牌紅燒腱心牛肉麵湯底係用牛大骨熬煮，味道都幾濃郁，唔係死鹹。手工面偏粗身，有少少似刀削麵，幾有咬感，可以煮耐一點會更好。牛腱係半筋半肉，煮得非常腍，入口即化😋✨✨❇️燉蕃茄腱心牛肉麵🍅🍅🍅比較少見蕃茄湯底既牛肉麵，蕃茄酸味都幾重，味道偏鹹，牛味對比之下比較淡口，湯底仲有少少辣，味道幾開胃。牛肉質素一樣，肉質都係幾軟淋同夠入味😋😋❇️珍珠奶茶🧋，奶味比茶味濃

麵店開咗一段時間，趁有優惠試吓。位置較偏僻，6pm仍有不少食客。用QR Code 點麻辣半筋半肉手工麵，約5分鐘送上。牛肉份量不少，肉質夠霖，手工麵有彈性，但份量小。麻辣屬於中度，整體不錯。

這是我們第一次光顧，是因為看食評而來，但絕不會有下一次，晚飯時段我們點了套餐招牌牛腱麵，卻被這家店打著什麼正宗台灣牛肉麵的旗號給欺騙了。🍜招牌牛腱麵🤮🤮🤮🤮🤮+飲品 $108除了腱肉是焾的之外，湯頭只可以用一個 “鹹” 字來形容，完全侮辱了 “正宗” 這兩個字，跟我們在台灣吃過的完全是兩回事。就連茶餐廳的牛腩麵也比這家的好吃多了，且價錢還便宜一大截。加上侍應姐姐多次上錯餐，卻要收取10%（不合理）服務費。

叫左個二人餐外賣，一個雞飯連飲品，同牛肉麵連飲品，雞肉好乾，煮到好老，難咬🥲飯好硬似放左排定吾知未熟。牛肉麵正常d，牛肉ok,但麵質都一塊塊，唔知熟未，我見有啲人既食評都正常啊，但今次係難食到要打負批🫠二百零蚊價錢食其他仲好過。

可以再食今日年廿九，做完年糕出街食午飯，突然想到哩間開左應該有一年多的台灣牛肉麵，今日就去試下啦！下午兩點幾去到，午飯時間都差不多完開始走，所以兩個人都有卡位坐。招牌鍵心牛肉手工麵($86)3分— 本來系一隻辣椒微辣，但食落又吾覺得喔— 牛肉系好”淋”，但”淋“得來吾會爛，有口感，但牛肉味被湯味蓋過大部分。— 特別在於中間條根蚊到”淋”曬，當然中意有咬口的就吾啱食。— 手工麵就真系太”淋”啦！胡椒酸菜雞幼麵($88)3分—胡椒湯底真系好正，但酸菜只是放系旁邊，無乜融合。－雞系一隻全肶，好似咸雞，但好滑。－幼麵一樣系太”淋”啦，

食過旺果間覺得好食，但黎到如心呢間食就唔得，珍珠奶茶啲珍珠好軟又淋，唔彈牙，麻辣牛肉手工面，無麻辣味，湯底偏咸，蕃茄牛面直頭錯晒，兩隻味勁唔夾。雞湯炒手普通得黎都唔算難食。 送既酸菜唔好食，餐巾幾靚，紅色既。環境都好，杯野飲好似自己沖既咁，無茶味，唔明點解會咁，牛肉幾淋幾好味，牛筋就麻麻地。整體食物一般，價錢貴，係食唔使等位，所以好肚餓唔想等可以去食。都係食個名。旺角果間食過反而唔錯。可能唔同鋪唔同。