黑龍 (已結業)

TGIF!!! 嚟到星期五又要好好獎勵自己努力工作咗5 day😁 久唔久都會有想食沾麵嘅衝動，所以就揀咗 黑龍 試試。入到食堂被安排到坐正常枱嘅位置，除咗有兩張四人座之外，日式拉麵店又點少得bar枱呢！香港始終地方有限，所以店內空間係有啲淺窄，不過正正因為咁就令環境顯得cozy! 日本師傅亦會同客人有講有笑 (來港十年，所以廣東話講得唔錯)，另外侍應們都好有禮貌，氣氛相當輕鬆。我同朋友分別點咗辣三枚肉(冷)同櫻海老沾麵(熱)，兩款湯汁都非常濃郁，如果怕鹹嘅朋友可以圈加洋蔥，洋蔥嘅甜唔單止可以balance番個口味，仲會倍加口感！