餃掂手工餃子雲吞專門店

餃掂系我好鍾意的一間餃子專門店，耐唔耐我哋都要去食下餃子，今次我就去左中環威靈頓街的分店，雖然佢門面不算大，但都尚算好坐，環境乾淨，服務態度都好好。同其他分店一樣，呢間分店都有九鼎狀員湯，各種餃子及小食供應。最愛龍鳳松茸雙灼餃，黑松露&白松露豬肉餡餃子，香味十足！隨龍鳳松茸餃會附送一碗狀元九鼎湯，店家沿用古法以粉葛、紅蘿蔔、赤小豆、扁豆、蜜棗、陳皮、新鮮鯪魚等材料熬製而成，完全不含味精，湯汁呈奶褐，色澤醇厚，不泛油光，散發著陣陣的粉葛清香，十分清甜！另外元貝豬肉湯餃都幾好味，元貝味道突出夠鮮甜。小食麻辣皮蛋，麻辣開胃，值得一試。