影片
更多
2015-01-26
1313 瀏覽
最近沒有試新火鍋店, 昨天心血來潮, 搵間未試過的邊邊試吓~ 見呢間食評都okay, 就同老公試試。蒜蓉要多收$5/碟, blue girl $30/大枝, 呢間嘢都唔會平得去邊~濃蕃茄牛腩湯底 - 本來可以煮得好濃, 但侍應姐姐不斷加水, 點樣都唔覺係濃湯! 老公已經不滿呢間嘢唔係加湯, 係加水~ 湯底味道本身都好一般, 九龍城海鮮個蕃茄薯仔湯底仲濃味啲!本地手切肥牛邊位 - 無乜牛味; 邊位應該有咬口, 但完全唔覺菜肉餃 - 一般超市買到一包包急凍果種, 無咩特別貴花蚌 - 好肥, 好大舊, 連埋啲根位, 一大抽, 好難咬開; 尚算新鮮。澳洲聖子皇 - (本來想食活蝦刺身, 售罄, 侍應姐姐推介聖子皇) 鮮甜, 拖一拖水就食得。但無侍應講到咁正, 呢頭間間啲聖子皇都差不多~魚蓉麵 - 呢間用鯪魚蓉整, 味道還可以; 但相比起龍城金記用墨魚蓉整, 差咗少少, 不夠彈牙, 同埋佢剪到個口好細, 好鬼難唧~整體都好一般~ 下次可以試另一間新嘢, 可以唔駛翻兜!
蒜蓉要多收$5/碟, blue girl $30/大枝, 呢間嘢都唔會平得去邊~
濃蕃茄牛腩湯底 - 本來可以煮得好濃, 但侍應姐姐不斷加水, 點樣都唔覺係濃湯! 老公已經不滿呢間嘢唔係加湯, 係加水~ 湯底味道本身都好一般, 九龍城海鮮個蕃茄薯仔湯底仲濃味啲!
本地手切肥牛邊位 - 無乜牛味; 邊位應該有咬口, 但完全唔覺
菜肉餃 - 一般超市買到一包包急凍果種, 無咩特別
貴花蚌 - 好肥, 好大舊, 連埋啲根位, 一大抽, 好難咬開; 尚算新鮮。
澳洲聖子皇 - (本來想食活蝦刺身, 售罄, 侍應姐姐推介聖子皇) 鮮甜, 拖一拖水就食得。但無侍應講到咁正, 呢頭間間啲聖子皇都差不多~
魚蓉麵 - 呢間用鯪魚蓉整, 味道還可以; 但相比起龍城金記用墨魚蓉整, 差咗少少, 不夠彈牙, 同埋佢剪到個口好細, 好鬼難唧~
整體都好一般~ 下次可以試另一間新嘢, 可以唔駛翻兜!
題外話/補充資料：
侍應姐姐幾好人, 醒多我一碟喬頭
(以上食評乃用戶個人意見 , 並不代表OpenRice之觀點。)
張貼