天外天

天外天算係高質素既飲茶點心餐廳，作為開胃小食蜜餞合桃果仁稱得上用心製作及優質之選。甜甜的糖衣蓋過合桃淡淡的苦澀味，糖衣外殻脆身而果仁不會軟，一小碟確不夠！今日食飯人少少，而且唔肚餓，叫既點心唔多，以下只係列舉部份點心：上湯蝦球依麪：麵身唔會過淋，蝦球爽口有鮮味，但略嫌份量太少。個人認為湯底太杰，有些許似「軒」汁多於湯，如果稍微稀釋會更好。鵪春旦燒賣：超水準，有誠意。用上小小的鵪春蛋，單係去殼已經麻煩，難得蛋白光滑無崩，而且內裡仲係流心，以蒸點黎講時間火候非常到家！豬肉調味恰到好處，肉質彈牙，值得推薦。鮮奶撻：好奇怪，鮮奶無味似水，甜味也輕薄，撻皮也唔甜，朋友話食到咸味，微甜配咸/輕甜感覺奇怪，唔好試。