影片
更多
2015-09-18
313 瀏覽
今日收工後，約左幾個中學同學見面，咁耐冇見，梗係搵一間環境好d既餐廳傾計啦：） 於是就上網搵搵有咩地方適合。最後就選擇左黎呢間Spark Bar &resturant 試試。餐廳位於油麻地站A2出口，就係好景商業大廈個度，地點十分方便，係地鐵出黎行幾分中就到了。一上到去，餐廳甚具特色風格，感覺是個十分舒適輕鬆的地方，好岩上班一族收工後過黎飲下野，傾下計。齊人之後，我地按侍應生既建議，叫左幾個他推介既皇牌菜式。首先叫左一個凱撒沙律，份量十分足料，平時中意食重口味的我，真的不太中意食沙律，覺得味道很淡，很單調。但試完呢個沙律之後，簡直食唔停口，味道濃郁之餘，當中的麵包也十分脆口。份量大得足夠三個人食，絕對是抵食之選。 跟住就叫左一個水牛雞翼！上碟時外觀已十分吸引。而且大大隻。入口之後味道出乎我所料，平時我地最多都係食豉油雞翼，炸雞翼， 可樂雞翼⋯⋯食都食到悶。今次食水牛雞翼，真係第一次。除左帶點蜜糖雞翼的香甜味之外，又帶點咸味，香口得黎唔會太膩。強力推薦去到一定要叫。食完前菜小食後，就開始食正餐了。正餐係南瓜松子大蝦巴馬火腿意大利飯。飯好淋身，索哂d汁之餘又唔會太咸太濃味，恰到
今日收工後，約左幾個中學同學見面，咁耐冇見，梗係搵一間環境好d既餐廳傾計啦：） 於是就上網搵搵有咩地方適合。最後就選擇左黎呢間Spark Bar &resturant 試試。餐廳位於油麻地站A2出口，就係好景商業大廈個度，地點十分方便，係地鐵出黎行幾分中就到了。
一上到去，餐廳甚具特色風格，感覺是個十分舒適輕鬆的地方，好岩上班一族收工後過黎飲下野，傾下計。齊人之後，我地按侍應生既建議，叫左幾個他推介既皇牌菜式。
首先叫左一個凱撒沙律，份量十分足料，平時中意食重口味的我，真的不太中意食沙律，覺得味道很淡，很單調。但試完呢個沙律之後，簡直食唔停口，味道濃郁之餘，當中的麵包也十分脆口。份量大得足夠三個人食，絕對是抵食之選。
跟住就叫左一個水牛雞翼！上碟時外觀已十分吸引。而且大大隻。入口之後味道出乎我所料，平時我地最多都係食豉油雞翼，炸雞翼， 可樂雞翼⋯⋯食都食到悶。今次食水牛雞翼，真係第一次。除左帶點蜜糖雞翼的香甜味之外，又帶點咸味，香口得黎唔會太膩。強力推薦去到一定要叫。
食完前菜小食後，就開始食正餐了。正餐係南瓜松子大蝦巴馬火腿意大利飯。飯好淋身，索哂d汁之餘又唔會太咸太濃味，恰到好處。飯上的大蝦裝飾好搶眼。最正既就係飯入面夾雜住d南瓜，十分香甜，又唔會搶左本身既飯味。連d朋友都食到唔停口。
之後再叫左一個，雙胡椒烤西班牙黑毛豬。豬扒十分易切開又唔會太硬太難咬。胡椒味岩岩好之餘又唔搶豬扒既味道。側邊伴碟有幾塊燒左既茄瓜，同樣係十分好味，絕對不是馬虎之作！食過每個菜式，仲未覺得夠喉，於是叫多左一個意大利海鮮pizza, 雖然細細個，但已足夠三個人的份量，餅底十分脆，簿！：） 飲品方面叫左個雜莓奶昔，大大杯絕對是jumbo size, 上面有一層厚厚的奶油在面，飲品顏色亦十分吸引，飲落去 酸酸甜甜的，果然夠哂開胃！
張貼
