影片
更多
2022-01-08
1120 瀏覽
12月15號同班同事一行11人食呢間東北菜,有個同事話呢間好食,所以就揀左呢到同同事一齊興祝聖誕本人總結呢間性價比超高,11個人食叫左十幾道餸每人埋單150都唔洗,仲要食剩好多野建議大家要book定位,我地係openrice book左位都要係出面等一陣先入到, 同埋夜晚都幾多人但位置係比較偏僻,個個位置基本上唔係去食野都應該唔會行過去, 係奧運站行過去係最近大約5-10分鐘. 因為食左太多野, 有D好似都無影到相, 所以我會講我覺得最好食同唔好食既餸好食:1. 炸饅頭（圖2）上左一定要即刻食, 凍左會唔好食, 點埋煉奶一流, 人間邪惡美食2. 紅燒肉燉粉絲煲（圖3）我覺得個肉係煮到岩岩好, 加埋個汁同埋我最中意既粉絲, 因為唔只我話好食,其他同事覺得係咁多樣最好食既餸3. 雞絲粉皮（圖4）唔知係咪佢個麻醬撈埋左一齊所以比其他好食, 我本身唔係好食麻醬既人4. 唔知咩咩排骨(唔係粳排骨, 唔見menu有好似嘟code叫先有)- 圖5我諗中意食肉既人應該會好中意食呢個, 個肉質感好好,我淨係食左淨番既一舊,因為其他同事食匙 賣相一流既甜品:拔絲蘋果
12月15號
同班同事一行11人食呢間東北菜,有個同事話呢間好食,所以就揀左呢到同同事一齊興祝聖誕
本人總結呢間性價比超高,11個人食叫左十幾道餸每人埋單150都唔洗,仲要食剩好多野
建議大家要book定位,我地係openrice book左位都要係出面等一陣先入到, 同埋夜晚都幾多人
但位置係比較偏僻,個個位置基本上唔係去食野都應該唔會行過去, 係奧運站行過去係最近大約5-10分鐘.
因為食左太多野, 有D好似都無影到相, 所以我會講我覺得最好食同唔好食既餸
好食:
1. 炸饅頭（圖2）
上左一定要即刻食, 凍左會唔好食, 點埋煉奶一流, 人間邪惡美食
2. 紅燒肉燉粉絲煲（圖3）
我覺得個肉係煮到岩岩好, 加埋個汁同埋我最中意既粉絲, 因為唔只我話好食,其他同事覺得係咁多樣最好食既餸
3. 雞絲粉皮（圖4）
唔知係咪佢個麻醬撈埋左一齊所以比其他好食, 我本身唔係好食麻醬既人
4. 唔知咩咩排骨(唔係粳排骨, 唔見menu有好似嘟code叫先有)- 圖5
我諗中意食肉既人應該會好中意食呢個, 個肉質感好好,我淨係食左淨番既一舊,因為其他同事食匙
賣相一流既甜品:
拔絲蘋果（圖6）
我自己就無食,因為唔中意食熱既生果, 不過見佢幾得意, 拎起要立即放入水, 如果唔係會拉左好長既絲出黎,整到周圍都係XD
唔建議叫
1. 回鍋肉（圖7）
可能比想象中無咁好多, 係幾辣, 但味道一般
2. 老虎菜（圖8）
係另一個無去既同事推薦,但我覺得有D伏
中意食溝埋一齊既菜可以叫下
3. 餡餅(除羊肉外) -圖7
可能因為我凍左先食,可能熱D食會好D? 但係真心一舨, 反而個羊肉餡餅我係覺得凍左食都唔差
其他野食不過不失, 一大班人食會抵食好多,同埋可以試到好多唔同餸
以上純屬個人意見
73 瀏覽
0 讚好
0 留言
張貼
