清亭．燕萍 (已結業)

想係銅鑼灣食平平地既dinner，突然諗起清亭，自從搬左鋪之後就冇食過。兩個人一人叫左一碗粉，火車頭同烤牛肉撈檬，火車頭都幾大碗，有牛丸，生熟牛肉，牛百葉，材料味道OK；至於烤牛肉撈檬，賣相不俗，不過衰在魚露冇乜味！好淡，一D鮮味都冇，失敗！另外加左牛油雞翼，加左好多價，賣$38兩隻！差唔多$20一隻！係就係新鮮即炸，但牛油味唔覺，唔夠香口，只係普通炸雞翼，失望。相比以前舊鋪，環境係好好多，又大好多，但水準大跌，希望可以做好D。