麒藝館 (已結業)

今次同客食飯，揀左時代廣場食通天10樓的麒藝館，價錢不算貴，但相當高質，CP值高。透過玻璃見到大師傅燒緊乳豬，好有架勢咁。餐廳裝修優雅大方，燈光柔和，我幾欣賞佢盞吊燈。中午有點心可以食，幾抵食，招牌菜式又幾吸引。我地揀左羊肚菌炆伊麵，伊麵夠味，羊肚菌的鮮味令伊麵更好味。招牌無花果極品黑叉燒，口感層次豐富，3分肥7分瘦，肥瘦適中，味道偏甜，肉質細膩冇渣，極品冇講錯。點心方面，份量滿足，品質上等，我地點左晶瑩蝦餃王同蜜汁暴口叉燒包，抵食！