天外天

屋企人今日生日，本身之前都睇過呢一間餐廳上網嘅片，見到佢嘅景觀真係好靚，而且真係非常適合慶祝生日，今晚媽咪就想試佢嘅套餐，我就帶咗佢去試吓，因為係佢嘅生日，我哋仲叫咗wine pairing! 整體侍應都非常專業，一開始為我哋介紹每一道菜，而且亦都非常貼心，幫我哋安排好準備晒所有嘢，呢個位非常值得加分！佢嘅叉燒非常出色，而且入口絕對唔會成口油，佢係熱熱地嘅感覺，所以成個口感做得非常好，而且餐廳應該採用高級嘅豬肉，所以叉燒非常鬆化，極都燒得好香！加埋紅酒嘅配搭，簡直係一流！而且餐廳個景真係冇得輸，成晚我哋都係咁打卡。非常靚。