Kura Teppanyaki & Sake Bar (已結業)

Item: Kura Teppanyaki & Sake Bar
Rating: 5
Author: uncommon.common

4.5

48 食評

味道

環境

服務

衛生

抵食

6841

中環

$401-800

日本菜酒海鮮鐵板燒壽司/刺身酒吧

uncommon.common

等級4

296

喜歡坐Bar枱，更喜歡坐日本鐵板燒Bar枱，因為睇住師傅純熟嘅手勢舞弄兩把鏟為我哋準備食物就已經償心悅目，送上嘅食物又好味，整個過程都係亨受，人生快事。

今次嚟到Kura，非常喜歡這裏嘅環境，服務人員又親切，師傅亦好健談，到這店好似進入另一世界，一個令人喜悅嘅世界。這裏食物全是高質，想搵一啲能批評嘅地方都冇，只有驚喜。

🌹鮟鱇魚肝
鵝肝大家都常見，但有海底鵝肝之稱嘅鮟鱇魚肝就比較少見。見到今日精選有得揀，立刻點了。首先擺盤靚到爆，玻璃器皿分上下層，上層放食物，下層放一啲花做裝飾，打卡一流。三件大大件嘅魚肝，完全冇腥味，口感比鵝肝實少少，唔膩，加上秘製醬汁，非常鮮美可口。

🌹日本海膽生和牛卷
這個用生和牛代替壽司飯，咁有創意真係第一次見，比傳統壽司更珍貴。生和牛新鮮嫩滑，油脂分布剛好唔會太肥，和牛卷上面嘅海膽鮮香甜冇腥味，細細件整件入口，太讚。

🌹鱈白子鐵板
白子或者叫魚白，其實就係雄魚嘅「精囊」，白子有豐富嘅魚精蛋白同脂類，細滑如奶油、豐腴如脊髓嘅口感。起初小編叫咗刺身，但師傅提議食鐵板燒，就跟師傅話，果種外香內嫩令人驚喜，醬汁亦非常吸引，小編食完這道菜叫服務員唔好收返碟，因為啲醬留返嚟點其他！

🌹澳洲活龍蝦
為咗客人安心真係用活龍蝦，佢哋處理隻龍蝦之前畀我哋見吓隻龍蝦，真係好生猛。龍蝦肉爽口彈牙，加入秘製醬汁就更覺鮮甜。這又係師傅提議小編唔揀今日精選嘅焗龍蝦而揀這個，結果冇錯。

🌹刺身：金目鯛、真鯛、深海池魚、黑鯥
小編又想食刺身又想平，就一次過揀咗喺餐牌上最平嘅衣四款刺身。
鯛魚喺日本餐廳比較常見，真鯛啲魚鱗混雜淡紅同銀白色，肉質偏爽；金目鯛就全身鮮紅，似大眼雞魚，愈大條油分愈甘香。
深海池魚小編又再試，今次都係嗰種油脂多又甘香，肉質鮮嫩肥美，難忘。
黑鯥小編就第一次試，肉質彈口，但油脂比較少，這這裏魚皮有微炙，口感豐富。

🌹鐵板燒牛舌
雖然唔能夠證實，但小編覺得師傅係只用每條牛舌最厚嗰部份，因為件件一樣厚身。牛舌非常爽口，加上鐵板燒煮熟，牛舌表面嘅咸燒香好吸引，份量又多，小編食飽飽了。

🌹日本茄子
師傅用咗日本肥肥短身嗰種茄子，薄切跟住鐵板燒，又香又甜，點上甜酸醬一齊食，好味到以後都唔想再食長形茄子。

🌹法國羊肉香腸
雞肉腸成日自己屋企煮嚟食，見到未食過嘅羊肉香腸立刻點嚟試試。哇，原來超好味，內裏羊羶味又多汁，外面燒香，口感口味獨特跟雞肉腸冇法比。配上紅緑海帶同一啲脆嘅碎粉，小小一碟抵讚。

🌹日本舞茸
舞茸又叫血管清道夫，有助降低三酸甘油脂，係健康食品。師傅今次用酒煮香，進一步提升菇的味道，利害。

🌹美國頂級牛柳
五成熟牛柳內裏鮮紅多汁嫩滑，表面微濃，加上鹽提味，非常香口，配菜仲有香菇同紅椒，小編非常喜歡了。

🌹焦糖日本蕃薯
日本甜蕃薯向來都係小編致愛，這次加上焦糖甜上加甜更加吸引，食落先知原來焦糖烤成脆片，焦糖脆蕃薯腍口感豐富，師傅話凍咗塊焦糖更脆，又真係喎！

🌹法國羊架
9成熟羊架，羊羶味更濃肉質更鮮嫩，烤香有鹽提味，更有黃瓜青瓜薄片做配菜，仲有一件紫薯味食物增加口感，羊肉嘅濃同瓜嘅清配合得好好，喜歡。

🌹紫蘇雞丸
雞肉弄碎造成丸狀，加入秘製醬汁，味濃口感黏，這個係普通造法。但師傅簡單加了一塊紫蘇葉半包住雞丸，再鐵板上烤，雞肉味與紫蘇味同時散發出嚟，諗法就唔簡單。仲唔只係咁，師傅加了一隻生日本蛋，將雞丸沾一啲蛋汁才食，味道更上一層樓，十分喜歡。

🌹紅酒啤梨
最後點了嗰甜品，又係一經典。用啤梨做甜品非常少見，啤梨嘅甜味吸引，但師傅用紅酒將啤梨嘅甜味提升，出嚟效果比想像中更好，紅酒只保留咗酒香味而冇酒精味，而啤梨又腍身，小編極喜歡，非常欣賞師傅嘅創意。