盈苑

營業中

休息中

難得有空，就約好朋友一齊嚟呢度食午餐。之前讀書嗰陣，我哋成日一齊食點心，所以就決定嚟呢度食。第一樣就叫咗小籠包，係我哋最鍾意嘅點心之一。小籠包非常香，咬落去，入面好多汁，好鮮甜，入面嘅肉質都好鮮嫩，好可口。之後嚟咗一道鮑魚餃子。嫩嫩嘅外皮，加上鮮嫩多汁嘅肉質，有好豐富嘅口感。重點係上面嘅鮑魚，非常有咬勁，一口落去，口感好正，味道都唔錯。我哋仲叫咗另外一個最鍾意嘅點心，就係蝦餃。口感有啲似上一道嘅鮑魚餃子，入面嘅蝦肉放得滿滿，粒粒都好大顆，又好鮮甜。咬落去，非常有滿足感。我哋仲點咗一道青瓜配海蜇，呢度嘅青瓜好酥脆，海蜇都好有口感。呢道菜配埋佢哋特製嘅醬料，簡直一流！最後我哋點咗兩隻乳鴿，呢個乳鴿燒得好香脆，一上菜就聞到香味。外酥內嫩，我哋都覺得好好食。