影片
更多
2009-12-21
35 瀏覽
20-12-2009麻麻哋喜歡連鎖酒樓, 幫襯過尖東嗰間東海, 印象亦 ok 而已(http://www.openrice.com/restaurant/commentdetail.htm?commentid=123967), 是日又收到 C 氏家庭的做冬飯「黐餐」邀請, 今次一行 4 人試試海港中心呢間水準如何.叫了 4 人份量「龍蝦餐」($268 each)*, 另散叫了 3 隻蟹粉小籠包及一客壽包 ($18 each), 唔知是否無乜期望, 食完竟然有一點點驚喜:前菜「東海二小碟」有「冰鎮鴛鴦涼瓜」及「鎮江小排骨」: 只食了後者, 醬汁幾杰幾黏, 甜多過酸, 不過好香鎮江醋的味道; 排骨就幾好肉地又幾腍, 不過整體唔多熱喎? 還是呢個係冷盤? 高湯花膠排翅: 湯底 (係「湯」, 唔係「羹」/「漿糊翅」, 太好了!) 清澈, 幾濃金華火腿及雞湯鮮味; 魚翅份量得體, 花膠就勁多又爽口, 夠晒有咬口, 呢個不錯.蒜蓉蒸開邊龍蝦: 賣相拍得住「只供參考」的圖片, 很不錯 蒸得剛好, 龍蝦肉結實爽口, 鮮甜度就一般, 蒜蓉份量我亦覺得唔夠喉, 還是鯉魚門好 蠔皇原隻鮑魚扣鵝
麻麻哋喜歡連鎖酒樓, 幫襯過尖東嗰間東海, 印象亦 ok 而已(http://www.openrice.com/restaurant/commentdetail.htm?commentid=123967), 是日又收到 C 氏家庭的做冬飯「黐餐」邀請, 今次一行 4 人試試海港中心呢間水準如何.
叫了 4 人份量「龍蝦餐」($268 each)*, 另散叫了 3 隻蟹粉小籠包及一客壽包 ($18 each), 唔知是否無乜期望, 食完竟然有一點點驚喜:
前菜「東海二小碟」有「冰鎮鴛鴦涼瓜」及「鎮江小排骨」: 只食了後者, 醬汁幾杰幾黏, 甜多過酸, 不過好香鎮江醋的味道; 排骨就幾好肉地又幾腍, 不過整體唔多熱喎? 還是呢個係冷盤?
高湯花膠排翅: 湯底 (係「湯」, 唔係「羹」/「漿糊翅」, 太好了!) 清澈, 幾濃金華火腿及雞湯鮮味; 魚翅份量得體, 花膠就勁多又爽口, 夠晒有咬口, 呢個不錯.
蒜蓉蒸開邊龍蝦: 賣相拍得住「只供參考」的圖片, 很不錯 蒸得剛好, 龍蝦肉結實爽口, 鮮甜度就一般, 蒜蓉份量我亦覺得唔夠喉, 還是鯉魚門好
蠔皇原隻鮑魚扣鵝掌: 鵝掌唔算好入味, 又好似唔係好夠軟腍, 可以更好; 鮑魚有點韌, 味道亦無想像中濃郁甘甜, 連鎖嚟講「升呢版稻香」(http://www.openrice.com/restaurant/commentdetail.htm?commentid=2042885) 做得較好.
上湯灼生菜: 爽脆, 但菜頭部分帶苦澀味, 呢個麻麻哋.
蒸福井蘿白糕: 用 creme brulee 碗仔 serve, 賣相勁似甜品, 但面頭「瓊」了不少胡椒粉水, 幾核突 , 唯有自行「去水」吧. 食落粉較多, 不過都有絲絲蘿白的「痕跡」及清甜, 加埋蔥花, 蝦米碎 etc, 及格吧.
燕窩燉蛋白: 幾滑, 帶少少奶香, 感覺 light light 的, 食完仲頓時覺得皮膚好咗, 哈哈!
仲包一人一杯紅酒 / "Minute Maid" 牌橙汁, 但唔係喺度評呀嘛?
蟹粉小籠包: 即叫即蒸, 但唔知佢攤了幾耐先 serve, 嚟到時已唔夠熱 皮薄, 但較乾較韌; 入面蟹粉份量不少, 但味道淡淡的, 又唔多夠湯汁 / 蟹油, 有點失望.
壽包就無食了, 不過見入面有成隻鹹蛋黃, 勁多蓮蓉, 成個又脹卜卜的, 應該不錯吧?
冬至前的星期日夜晚人多擠迫, 店員們又忙得不可開交無可避免, 但知客阿姐態度實在不敢恭維, 喺門口企了 10 分鐘佢都唔見人, 明明訂了檯都攞唔到位; 好聲好氣問佢除門口位外有無其他位, 佢唔准之餘仲要拋低一句「今日咩日子呀, 做節呀, 你就吓我哋得唔得呀」, 跟住行開幫其他人埋單, 寫菜, serve 嘢食. 吓? 原來做節就可以發客人脾氣0架喇? 點解我喺其他酒樓無試過俾人鬧0既? 不過其他 waiter / 阿姐算有禮貌, 服務一欄俾返兩分佢啦.
埋單每人 200 幾 300, 又鮑又翅又龍蝦, 味道亦 ok, 都算抵食的.
多謝 C 氏伉儷又請食飯 ^_^", 不過我就搞到周身人情債了.
*資料來源: http://www.eastocean.com.hk/EastOceanSet268.html
張貼
