倫敦大酒樓

營業中

休息中

同爸媽換完回鄉證之後去飲茶係旺角都未試過飲茶，所以是但揀間。平時經過就多但未試過所以去倫敦酒樓。上到去原來仲有推車仔，大排檔。己是非常少有，最少15年前我做點心時先有。現在絕大部份是畫單的。今次叫左好多野食，燒賣，size比想象中細粒，蝦不多比較似以前的8,2比例。蝦餃，皮雖厚了小小，因為是推車仔關係。大隻爽口。煎腸粉，軟滑夠香應該是日日清的冇隔夜。牛肉球，大粒偏實但都好食。鳳爪，個汁味道一般。蒸魚雲，大碟鮮味。牛肚，夠淋，汁甜甜地好味牛仔骨，有點失色，好肥而且鬆肉粉太多。整體是兒時的味道，推車仔好處係可自由選擇食物，唔好的是點心蒸太久而味道唔同左。