18 Grams (已結業)

老實說餐廳位置好似登山咁，不停往上爬先到，確實唔方便。如果唔係老友建議去食，都未必第一時間諗起呢間餐廳。煙三文魚班尼廸蛋老友知我又為食又八卦，個餐嚟到要讓路，比我相機食先，哈哈！確實味道同賣相係幾好。睇相都覺得三文魚大大塊份量足料，真材實料呀。對蛋嘅要求就簡單，唔好係熟蛋😂 切開嚟要流心，蘸蛋汁配麵包呢個組合係無敵嘅。卡邦尼忌廉汁配溫泉蛋卡邦尼味道一般，份量偏少。所以都係推介大家食班尼廸蛋。另外，同朋友各自各有杯咖啡，可惜兩杯嘅賣相同味道未如理想。其實之前飲過佢地咖啡係ok, 不過今次杯latte太淡。cafe地理位置雖然位於高樓層，但係因為高樓層，所以其實感覺開揚。如果下午嚟到有陽光，仲可以好好享受一個暖暖的舒適的午餐呀。