茶記研究所

營業中

休息中

今日同老豆一齊嚟到油塘探訪好耐冇見嘅親戚，肚餓咗就諗住去平時去嗰間鋪頭食嘢，但啱啱好冇開，就打算隨便行下搵嘢食。啱啱見到呢間茶餐廳好似新開，環境都幾敞亮，係一種新式嘅茶餐廳。我同老豆就一齊入去探店啦~服務員都好好服務，好快就安排我同老豆嘅座位。我哋淨係睇menu就覺得好好食，唔知揀咩好，兩父女都有選擇困難症。😹😹最後我老豆揀咗香煎豬扒配餐肉食肉獸餐，店家特別研製嘅醬汁一齊腌製，豬扒好大塊，煎過之後外皮十分焦脆，同時肉質仲好多汁！豬扒自身嘅油脂已經喺高溫下充分融化，肉香味濃郁！再加埋餐肉、茄汁豆、多士仲有流心嘅煎蛋一齊食，普通嘅早餐都變得唔普通~套餐入面仲包括咗熱奶茶，濃濃嘅茶香味同牛奶互相配合，飲落去非常順滑。老豆都話好正。👍🏻👍🏻我想食麵就揀咗沙嗲牛肉即食麵，沙嗲湯最主要嘅係花生嘅香味。濃濃嘅花生香氣仲食到花生粒，再配埋簡單嘅即食麵同牛肉粒，我都忍唔住飲晒啲湯！我嗌嘅套餐入面仲包括咗腸仔、炒蛋同埋多士，早餐食得飽飽就係幸福~飲品方面我就加錢換咗熱latte，一端上嚟就聞到非常濃郁嘅咖啡香味，咖啡嘅苦味同牛奶嘅甜味互相交織，仲有店員拉得好靚嘅拉花我都不捨得飲，油塘少有嘅精品,咖啡飲落去