影片
更多
2021-09-30
417 瀏覽
作為街坊嘅我經常流連西九，見住7樓轉過幾間酒樓，凱日算係我幫襯過最多次嘅一間，裏面啲點心款式都特別啲，飲茶有新鮮感係幾唔錯嘅一件事，趁閒日帶家中一寶出嚟坐吓、飲吓茶～咁又過咗一個晏晝😄#先介紹最值得一試嘅腸粉，個名零舍別有洞天😜金金黃黃，望到即起食慾。饀料好豐富，主要有翠玉瓜碎、甘荀、蝦、蔥等，一層腸粉包住炸春卷，外軟內脆，食出多重口感，個人平時唔太食鹹，但腸粉會鐘意四面蘸上鼓油，一啖咬落去，好有層次。#雪山奶黃包同一般唔同係，表面脆脆哋，灑咗類似奶粉嘅「雪」，味道幾match，同埋佢好在唔會太多奶黃、爆晒饀咁，所以唔會太溜，點心師傅有留意到呢點，真係要畀個like佢！#嚟到好伏嘅甜品，焦糖燉蛋，好似食到成啖都係cream🤢ohh no, 蛋嘅成份接近零嘅感覺，比例嚴重失衡，完全冇布甸質感😵焦糖仲要真的燒焦了…應該叫做燶糖先啱。其他食過嘅甜品，例如洛神花果凍都還好，但今次中伏了。#鮮魚湯雲吞雞雞肉憑樣唔知係雞嘅邊部分，岩岩巉巉，比較多脂肪嘅物體依附，雲吞冇乜味，基本上係食緊出面塊厚皮。但湯係好飲嘅。#下午茶特價有合桃包同懷舊芝麻卷，對合桃包些微失望，饀偏少同埋嫌佢乾噌噌。芝麻卷質感唔錯
#
先介紹最值得一試嘅腸粉，個名零舍別有洞天😜金金黃黃，望到即起食慾。饀料好豐富，主要有翠玉瓜碎、甘荀、蝦、蔥等，一層腸粉包住炸春卷，外軟內脆，食出多重口感，個人平時唔太食鹹，但腸粉會鐘意四面蘸上鼓油，一啖咬落去，好有層次。
#
雪山奶黃包同一般唔同係，表面脆脆哋，灑咗類似奶粉嘅「雪」，味道幾match，同埋佢好在唔會太多奶黃、爆晒饀咁，所以唔會太溜，點心師傅有留意到呢點，真係要畀個like佢！
#
嚟到好伏嘅甜品，焦糖燉蛋，好似食到成啖都係cream🤢ohh no, 蛋嘅成份接近零嘅感覺，比例嚴重失衡，完全冇布甸質感😵焦糖仲要真的燒焦了…應該叫做燶糖先啱。其他食過嘅甜品，例如洛神花果凍都還好，但今次中伏了。
#
鮮魚湯雲吞雞
雞肉憑樣唔知係雞嘅邊部分，岩岩巉巉，比較多脂肪嘅物體依附，雲吞冇乜味，基本上係食緊出面塊厚皮。但湯係好飲嘅。
#
下午茶特價有合桃包同懷舊芝麻卷，對合桃包些微失望，饀偏少同埋嫌佢乾噌噌。芝麻卷質感唔錯，但糖放多咗，偏甜。
#
整體來講，叫招牌點心實冇死嘅。家中一寶直頭食咗一兩件點心就停晒手，心知應該大部分都唔太啱佢胃口，下次就識揀啦。
別有洞天脆皮腸
15 瀏覽
0 讚好
0 留言
雪山奶黃包
5 瀏覽
0 讚好
0 留言
焦糖燉蛋
5 瀏覽
0 讚好
0 留言
鮮魚湯雲吞雞
4 瀏覽
0 讚好
0 留言
手巧合桃包、芝麻卷
8 瀏覽
0 讚好
0 留言
張貼
