金裝燉奶佬餐廳 (置富第一城) (已結業)

今日去第一城，本身又諗住去譚仔，去到好多人咁，同行果位話唔等，去咗附近奶佬，因為通常見嚫都有位，都成年無嚟。環境一向正常，唔算闊落逼逼哋。入到去叫咗個蛋腸雞翼飯加黑椒汁，同一個星洲炒米。同行果位話唔好食，個星洲米好濕，個飯好 hea。我覺得無咩嘢嘅，可接受，星洲米算夠味，係無咩鑊氣。個腸飯又唔係難食，呢d就咁煎完放落去其實唔會點難食法嘅，黑椒汁又正常。唔係真係咁差，只係有其他嘢選又唔會特別再想咁快又嚟食咁解。