影片
更多
2012-06-10
702 瀏覽
4月5日, 菲菲比比127週月快樂! 今日雖然係清明節, 但我地兩個都唔洗拜山, 趁機清下之前買落嘅團購券~ 今日就去咗呢間印度餐廳食lunch buffet~ 餐廳環境雅致, 仲有個小小嘅舞台, 夜晚應該會有d live music聽~::: 烤餅 ::: 坐低無耐侍應先遞上烤餅, 應該係一早整定再翻熱, 餅身微暖, 有原味同蔥油兩種. 前者麵粉香一般, 味道較淡; 後者味度濃d, 不過餅身有d油.::: 沙律 ::: 沙律款式只有三兩款, 有d涼拌青紅椒青瓜、浸紅菜頭、鷹嘴豆薯仔沙律同青瓜乳酪. 另外仲有d比你蘸烤餅食嘅橄欖醬同乳酪等等. 估佢唔到嘅係d白色嘅鷹嘴豆薯仔沙律原來係好辣嘅! 其餘都有一兩樣醬汁都係帶辛辣, 怕辣嘅朋友真係要小心留意!::: Veg Samosa :::有兩款前菜供應, 分別係雜菜咖哩角同炸雜菜. 每個雜菜咖哩角都脹卜卜~ 外皮炸得香脆乾身, 內類餡料以咖哩薯仔為主, 味道濃而不辣, 好味! ::: Veg Pakora :::炸雜菜則外脆內軟, 不過粉漿較多, 感覺較油膩.::: Chicken Tikka :::串燒烤雞香料醃得好入味, 有咖哩香但亦
::: 烤餅 ::: 坐低無耐侍應先遞上烤餅, 應該係一早整定再翻熱, 餅身微暖, 有原味同蔥油兩種. 前者麵粉香一般, 味道較淡; 後者味度濃d, 不過餅身有d油.
::: 沙律 :::
沙律款式只有三兩款, 有d涼拌青紅椒青瓜、浸紅菜頭、鷹嘴豆薯仔沙律同青瓜乳酪. 另外仲有d比你蘸烤餅食嘅橄欖醬同乳酪等等. 估佢唔到嘅係d白色嘅鷹嘴豆薯仔沙律原來係好辣嘅! 其餘都有一兩樣醬汁都係帶辛辣, 怕辣嘅朋友真係要小心留意!
::: Veg Samosa :::有兩款前菜供應, 分別係雜菜咖哩角同炸雜菜. 每個雜菜咖哩角都脹卜卜~ 外皮炸得香脆乾身, 內類餡料以咖哩薯仔為主, 味道濃而不辣, 好味!
::: Veg Pakora :::
炸雜菜則外脆內軟, 不過粉漿較多, 感覺較油膩.
::: Chicken Tikka :::串燒烤雞香料醃得好入味, 有咖哩香但亦唔會太辣~ 雞肉烤得乾身但肉質依然保持嫩滑! 真係幾好味~
::: Seekh Kebab (Lamb) :::
免治羊肉卷呢個幾有特色, 其實屬於印度家常菜, 但平時食印度菜都比較少食. 味道幾重香料味, 但我就嫌佢唔夠羊臊味~
::: Chicken Makhani (Butter Chicken) :::嚴格嚟講呢兩樣都唔係好咖哩嘅菜~ 不過我就覺得呢兩樣係呢餐印度自助餐中最好味! 牛油汁咖哩雞超香牛油味, 咖哩味比較溫和, 香而不辣得嚟味道濃郁, 雞肉嫩滑, 不論配烤餅同飯都好好味!
::: Mutter Paneer (Cottagae Cheese with Peas) :::
茅屋芝士青豆伴入類似牛油咖哩雞個汁度食, 香軟芝士粒同醬汁味道出奇地夾, 好好味! 青豆亦剛好為呢度菜減低少少肥膩感~ 不過當然, 食得多都係會好膩…
::: Dal Tadka (Yellow Lentil) :::印式扁豆湯幾重芫茜味, 豆味都頗濃~ 整體口味較清新.
::: Chana Masala (Chickpea) :::
馬沙拉燴鷹嘴豆雖然望落有d辣椒, 但其實醬汁主要成份都係乳酪, 仲加咗d番茄, 所以其實都唔係好辣. 鷹嘴豆煮得夠腍, 不過醬汁略稀.
::: Goan Fish Curry :::咖哩魚個魚因為好腍, 十分入味之餘都好香咖哩味, 不論撈飯或者點包都好好食~
::: Aloo Jeera Hara Pyaaz (Cumin Flavoured Potato cooked with Spring Onion) :::呢個茴香薯仔炒香蔥都幾好味~ 薯仔外皮微微焦脆, 薯肉夠粉, 香料味香~ 唔錯~
::: Pullao Rice (Saffron Flavoured Rice) :::
番紅花飯一般都係黃色, 呢個就比較白. 睇到佢真係有灑d番紅花上面, 但味道其實就真係唔多覺… 不過印度香料飯一般比較乾爽, 呢度都做到.
::: Seviyan Kheer (Sweet Vermicelli Pudding) ::: 豆蔻米粉布甸係一個好有趣又有特色嘅甜品~ 一條條碎濕濕嘅米粉索晒d甜奶, 味道香甜~ 又唔會好漏~ ok wor!
::: Lassi :::
明明個團購餐包嘅野飲係可以揀lassi, 但嚟到又話只可以飲汽水… 好在同個侍應據理力爭完佢地都肯比番我地~ 平時飲lassi都一定會飲芒果口味, 但原來原味lassi都幾好飲架喎! 味道酸酸甜甜咁有少少似益力多~ 不論對解辣或消滯都有d幫助, 不枉我地努力爭取番呢個餐飲!
今次一次過食咗好多印度食品, 滿足晒呀比嘅印度野癮! 食物選擇雖然唔係好多, 但勝在水準平均, 普遍食物味道都唔錯. 食下食下都朕住見到d印度人同朋友甚至一家大細嚟食 (仲要都識用團購卷…) 我估呢度都幾得到佢地同鄉支持…張貼
