Involtini Italian Cuisine

營業中

休息中

咁多正評水份好高，又唔講性格比，份量。同同行既人一致認為名不符實，俾呢個價錢真係連期望值都滿足唔到一半。所以點都要打夠200個字留個負評。因為係進食期間我都冇講好味呀，唔錯呀呢類贊賞樣，食左兩樣之後開始連相都唔想影，所以我都唔預佢哋會開心地招呼我。嗌左兩個頭盤，個八爪魚係一條鬚分三份，同點既汁唔夾，個紫薯好甜好奇怪。另一個蕃茄mozzarella ,mozzarella口感唔錯但又係冇乜味。試左3款意粉，可能需要突顯係手工製，中間煮到個芯硬既，冇麥味，同啲汁唔入味。餐廳係以意大利粉做主角，但個煮法同意大利都冇乜關係，可以贊既得個龍蝦，好軟好味既，不過個汁都係冇乜味。