影片
更多
2010-07-18
7 瀏覽
早前從雜誌得知，星加坡文華酒店主理海南雞飯既大厨响香港創業，將星加坡美食帶黎香港，一睇不得了喇，話說十幾年前親身試過星加坡文華酒店既海南雞飯，當中既美味至今未忘，咁多年一直都未揾到其他海南雞飯可以替代佢既地位，而家香港食到？雀躍非常！夜晚9點多到逹，仲有超過10位客人既人龍，為左品嚐質素高既食物，等30分鐘唔算係等啦！餐牌內全部都係星加坡特式食品，例如炒蘿蔔糕、參巴醬魔鬼魚、娘惹炒菜、肉骨茶等等。仲有提供湯類，本想試酸梅鹹菜鴨湯，可惜湯類係每晚限量發售，賣完即止，只剩黑豆雞腳湯可選擇，興趣不大，惟有放棄！ 海南雞飯 (可加 $10 蚊轉雞肶)：無論雞肶或其他部位，本身己將雞骨起清，為試其真功夫，所以無選雞肶。除雞胸有好輕微既嚡外，其他部位既雞肉算嫩滑，但就毫無雞味。而薑蓉、黑豉油等唔可忽視既醬料，竟然味道不足，何解？ 至於另一主角雞油飯，味道還可以，但個人認為太乾身，飯散唔滑溜亦無雞油香味，真係好失望！稍有驚喜既係皮蛋慕絲，表層有淡淡既皮蛋香味，內層嫩滑有椰香，送飯或甜品皆可！ 海鮮喇沙：海鮮夠新鮮，有帶子及中蝦，再配上魚片。湯底略嫌過濃及偏鹹，若再用辣醬會更加鹹。用左類似米粉既白幼麵
夜晚9點多到逹，仲有超過10位客人既人龍，為左品嚐質素高既食物，等30分鐘唔算係等啦！
餐牌內全部都係星加坡特式食品，例如炒蘿蔔糕、參巴醬魔鬼魚、娘惹炒菜、肉骨茶等等。仲有提供湯類，本想試酸梅鹹菜鴨湯，可惜湯類係每晚限量發售，賣完即止，只剩黑豆雞腳湯可選擇，興趣不大，惟有放棄！
海南雞飯 (可加 $10 蚊轉雞肶)：
無論雞肶或其他部位，本身己將雞骨起清，為試其真功夫，所以無選雞肶。
除雞胸有好輕微既嚡外，其他部位既雞肉算嫩滑，但就毫無雞味。而薑蓉、黑豉油等唔可忽視既醬料，竟然味道不足，何解？ 至於另一主角雞油飯，味道還可以，但個人認為太乾身，飯散唔滑溜亦無雞油香味，真係好失望！
稍有驚喜既係皮蛋慕絲，表層有淡淡既皮蛋香味，內層嫩滑有椰香，送飯或甜品皆可！
海鮮喇沙：海鮮夠新鮮，有帶子及中蝦，再配上魚片。湯底略嫌過濃及偏鹹，若再用辣醬會更加鹹。用左類似米粉既白幼麵條，浸耐左依然爽口。感覺呢碗喇沙仍然得失去左靈魂，因為尚欠一重要主角，就係螄蚶，無螄蚶既喇沙，對我而言唔算係合資格既喇沙！未食過加東既喇沙，可以話佢好味，但我唔係羅！
環境：靠窗位可享遊艇會同避風塘海景，其他大部份座位較迫。
服務：做到一般水平。
總括：無諗住要坐得舒服或享受豪裝，純粹為好味既食物而去，終失望而回！仍然懷念新加坡文華酒店既海南雞飯，都係舊野有味道 d！
張貼
