翠林辣蟹舫

好多名人到訪既明星食店😍食蟹就出哂名。今日特登黎試下其他菜式先！［椒麻酸菜魚］呢度既酸菜魚係用龍躉整架😳😳口感好彈牙，又無乜骨。當中仲有好多配料，包括木耳、蓮藕片、節瓜（出面好少見）、芹菜等。椒麻味好出好惹味，但又唔會好辣。［森巴醬香辣雞］離遠望有一刻以為係酸辣湯（我係big fan🫢）。森巴醬甜甜辣辣幾開胃，當中有啲蛋花，雞件啖啖肉。有啲驚喜。［酥脆蠔仔餅］超大份😳炸到好酥脆，蠔仔大大隻，一啲都唔腥，份量仲好多添。［薑拍芥蘭］薑味好出，火喉好足。下次等多啲人再試其他蟹既菜式先！