影片
更多
2025-01-30
299 瀏覽
今日去咗一間喺灣仔屹立咗好多年嘅鐵板燒刺身專門店， 喺呢度返開工嘅朋友都話呢間好出名，好高質好味， 今日滿懷期待咁同朋友走去試下。我同朋友叫咗個秋田二人套餐， 佢有12個精選菜式， 全部嘅海鮮都係新鮮仲識得郁既食材 配合mix and match其他食材 好似食緊omkase。第一道菜係 鵝肝蒸蛋配魚子醬好香濃嘅蛋味配合魚子醬一流第二道菜係鐵板燒龍蝦膏炒鮮活龍蝦欣賞佢唔係齋燒龍蝦而係用個蝦頭嘅蝦膏去燒， 龍蝦係用鮮活日本伊勢海老龍蝦， 肉質比澳龍更加鮮甜彈牙， 出面買都要成七百蚊一隻， 好揼本。 之後服務員仲表演咗火燒龍蝦頭用嚟拗龍蝦湯， 期待期待。第三道菜係原隻活南非鮑魚配海苔忌廉汁， 隻鮑魚上枱前仲識得郁， 超新鮮， 服務員燒得啱啱好非常之爽口彈牙， 配埋呢個特製嘅醬真係冇得輸。第四道菜有北海道帶子， 配搭紫菜同埋魚子醬啱啱好。食完海鮮第五道菜就試下食香煎鵝肝， 超級厚肉但係入口即溶，鵝肝味好重，同我喺匈牙利食嘅有得揮。 餐廳好聰明用咗黑醋放喺底部， 仲有一個燒菠蘿，令到整體口感冇咁油膩。之後就另一個重頭戲鹿兒島霜降和牛薄卷燒仲有厚燒。 個肉質係入口即溶，牛脂分佈超靚， 個薄捲燒係
我同朋友叫咗個秋田二人套餐， 佢有12個精選菜式， 全部嘅海鮮都係新鮮仲識得郁既食材 配合mix and match其他食材 好似食緊omkase。
第一道菜係 鵝肝蒸蛋配魚子醬
好香濃嘅蛋味配合魚子醬一流
第二道菜係鐵板燒龍蝦膏炒鮮活龍蝦
欣賞佢唔係齋燒龍蝦而係用個蝦頭嘅蝦膏去燒， 龍蝦係用鮮活日本伊勢海老龍蝦， 肉質比澳龍更加鮮甜彈牙， 出面買都要成七百蚊一隻， 好揼本。 之後服務員仲表演咗火燒龍蝦頭用嚟拗龍蝦湯， 期待期待。
第三道菜係原隻活南非鮑魚配海苔忌廉汁， 隻鮑魚上枱前仲識得郁， 超新鮮， 服務員燒得啱啱好非常之爽口彈牙， 配埋呢個特製嘅醬真係冇得輸。
第四道菜有北海道帶子， 配搭紫菜同埋魚子醬啱啱好。
食完海鮮第五道菜就試下食香煎鵝肝， 超級厚肉但係入口即溶，鵝肝味好重，同我喺匈牙利食嘅有得揮。 餐廳好聰明用咗黑醋放喺底部， 仲有一個燒菠蘿，令到整體口感冇咁油膩。
之後就另一個重頭戲鹿兒島霜降和牛薄卷燒仲有厚燒。 個肉質係入口即溶，牛脂分佈超靚， 個薄捲燒係包住啲蔥仲可以配合啲蒜片同埋岩鹽，成個口感非常豐富配搭得好好！！
跟住嚟到淆製咗一個午飯時間嘅龍蝦湯， 經過燒過嘅蝦頭 仲有本身剩餘嘅蝦膏 龍蝦湯非常之鮮甜 真係令人回味無窮。
之後就係佢哋出名嘅秋田炒飯仲有炒野菜，對於男士需要啲飽飯落肚嘅呢個套餐有埋飯真係好貼心，用鐵板燒炒個飯真係好香， 最後配搭佢哋嘅銅鑼燒仲有雪糕甜品作結尾簡直係完美嘅一餐。
食物嘅質素絕對超越佢定嘅價錢， 我同朋友一致認為好過畀幾百蚊食buffet但係唔知食咗啲乜， 下次仲要日子要同另一半嚟encore！
張貼
