影片
更多
2018-12-06
301 瀏覽
一直都聽過元朗有間好好味嘅Omakase,今日終於有機會使到啦.店入面嘅裝修同其他食Omkase嘅舖頭差唔多冇,乜特別裝修簡簡單單咁. 第一味菜係茶碗蒸, 用左高湯加埋松露做個芡汁去蒸, 再溝埋金泊, 望落去好靚, 食落口好滑而且有濃濃嘅松露味.再來一隻北海道嘅蠔, 廚師調左個檸檬酸汁,食落去海水味都仲係好重, 食到中段回甘味重, 肉身比較爽, 食完後個蠔味仲可以停留係個口到一陣.鹿兒島嘅鰹魚, 用煙燻方法去整, 好香炭香味, 加埋青蔥白蔥, 肉味比較重.BB油甘魚, 油份好多, 肉身比較滑, 加埋啲3-4日嘅嫩蔥, 食落好balance雪魚， 用左個類似西餐手法去煮， 個底汁係用白麵豉整，食落好似白汁咁， 中間夾左白蘿蔔， 中和左雪魚嘅油同令到食落去多左個層次蜜柑鯛, 用蜜柑做成飼料去餵鯛魚, 令到魚肉有蜜柑味, 而且啲味越咬越出, 好得意.北寄貝, 食之前廚師會拍一拍佢, 令佢肉身曲起, 食入口會更加爽口.三文魚子， 呢個三文魚子係我食過最好味嘅 比係北海道食仲好味。用兩種酒煮成嘅糖水再去醃幾日， 外皮脆卜卜， 帶上啲酒嘅香味， 而且唔會似出面用醬油去醃個啲個咸味太over。 野
店入面嘅裝修同其他食Omkase嘅舖頭差唔多冇,乜特別裝修簡簡單單咁.
第一味菜係茶碗蒸, 用左高湯加埋松露做個芡汁去蒸, 再溝埋金泊, 望落去好靚, 食落口好滑而且有濃濃嘅松露味.
再來一隻北海道嘅蠔, 廚師調左個檸檬酸汁,食落去海水味都仲係好重, 食到中段回甘味重, 肉身比較爽, 食完後個蠔味仲可以停留係個口到一陣.
鹿兒島嘅鰹魚, 用煙燻方法去整, 好香炭香味, 加埋青蔥白蔥, 肉味比較重.
BB油甘魚, 油份好多, 肉身比較滑, 加埋啲3-4日嘅嫩蔥, 食落好balance
雪魚， 用左個類似西餐手法去煮， 個底汁係用白麵豉整，食落好似白汁咁， 中間夾左白蘿蔔， 中和左雪魚嘅油同令到食落去多左個層次
蜜柑鯛, 用蜜柑做成飼料去餵鯛魚, 令到魚肉有蜜柑味, 而且啲味越咬越出, 好得意.
北寄貝, 食之前廚師會拍一拍佢, 令佢肉身曲起, 食入口會更加爽口.
三文魚子， 呢個三文魚子係我食過最好味嘅 比係北海道食仲好味。用兩種酒煮成嘅糖水再去醃幾日， 外皮脆卜卜， 帶上啲酒嘅香味， 而且唔會似出面用醬油去醃個啲個咸味太over。
野生大拖羅， 比起養殖嘅拖羅油份冇咁重，入口有溶化嘅感覺但又保留到一啲咬口，仲可以食到魚嘅肉味。
媟魚（右口魚）手卷， 平時都係食左口魚，右口魚都係第一次食。 油份冇左口魚咁多，但肉質更香口，一路食一路啲魚油係咁流出黎， 成個手卷都係魚香味。
甜蝦海膽飯， 見住個廚師用成版海膽去砌呢個飯出黎， 淨係望住佢整個時都已經興奮， 食落真係好正，用嘅海膽係馬糞海膽嘅其中一種， 呢走款肉質會實小小， 食落甘甜， 一啲異味都冇。
最後生果係靜岡蜜瓜， 上面噴左啲威士忌，食落有小小酒香， 而啲酒又帶出左蜜瓜個甜味出黎。 食落口首先食到酒香，之後就係蜜瓜甜味， 味道非常夾。
其實之前都食過兩三日Omakase, 脂文算係最好食個間， 係元朗有一間咁高質嘅餐廳， 真係元朗人嘅幸福。
張貼
