唐閣

同朋友今日食午餐，食點心，春卷非常之有特色，而且真材實料，春卷皮外脆內軟，餡料係用新鮮嘅蝦打成蝦膠，非常之欣賞，仲有佢嘅招牌鱈魚同叉燒，非常之好味道，而且叉燒係肥瘦適中。鱈魚外邊嘅醬汁甜甜地，鱈魚食落去外脆內軟，脆卜卜，而裏便肉質嘅鮮味，仍然都保持住魚嘅鮮肉味。環境衛生整潔乾淨，服務本來都覺得好好，但個女侍應有點新，同不想幫我哋跟張賬單同會員折扣，我覺得如果三星級嘅餐廳，真係比較差。交通非常之方便，附近已經有地鐵站同的士站等等。