本家韓國料理

營業中

休息中

鍾意食醬油蟹🦀嘅你哋應該都有聽過位於尖沙咀樓上鋪嘅本家韓國餐廳 🇰🇷佢嘅推介⭐️程度喺網上面都睇到好多朋友仔分享過 而我媽媽因為自從我帶過佢喺韓國食過一次醬油蟹🦀之後佢就愛上咗啦 所以今次就帶佢去試食懷緬一下去旅行嘅日子🤓🤓醬油蟹🦀🦀肉質非常之新鮮 食落口係鮮甜多汁 另外如果點醬油蟹佢會另外跟埋飯同紫菜 阿豬媽會先俾你打卡然之後佢就會好好咁樣幫你將啲醬油蟹汁同埋蟹膏撈白飯同埋紫菜再放落個蟹蓋俾我哋食 嗰啖飯真係食多幾啖都唔夠呀 🤤👍🏻👍🏻👍🏻醬油蝦🦞我哋都試咗一份 蝦肉都係爽口鮮甜 真係好似平時食生蝦刺身咁樣😋呢度嘅服務真係好好我哋叫咗烤肉 🥩阿豬媽會好細心咁樣幫我哋烹調同埋剪開一粒粒分俾我哋食 😚不得不提嘅就係佢會送一大堆嘅開胃小菜俾我哋食食嗰啲基本上都飽咗幾成 😆而我最鍾意就係佢個麻油拌菠菜真係好好食㗎🫶🏻👏🏻