豊洲水産海鮮丼専門店 (已結業)

因為佢地派傳單做半價，得意入去食，店員返應好好，雖然好忙見到我就帶我入位，我出於好奇心，試一個套餐，這間的丼飯要先加青檸汁，丼只有一塊紫菜然後拎紫菜＞飯＞拖蘿碎＞薑＞芥末，包起一件手卷點醬油！真係好好味！佢個拖蘿好滑好新鮮！比出面油份多！粉紅色的肉同油比例合到好處！下一步食 赤身，丼入面有塊紫蘇葉，係丼入面的精華！拎佢夾 赤身，超正！因為佢既紫蘇，同外面自己買或其他店食既紫蘇，完全唔同味，豐洲水產既紫蘇葉，可以引出刺身的鮮味！聞落去有紫蘇的香味，食落去係甜香！口感係 鮮嫩，一D都唔苦唔(鞋)口!而牛旁漬同黃蘿白唔會好咸!!更有種想食落去既感覺!因為其他店既太咸!最後就享受三文魚子飯!加入少少芥末醬油食!鮮味提升!另外個海膽 忌廉 稻庭 烏冬，醬汁好濃厚!!而海膽味道好重，但唔苦，食過之後你會想食佢既海膽丼!我以後會多多幫趁！期待傳說中既鮪魚骨扒!總有某D人係食唔到正野！