影片
更多
2022-12-10
490 瀏覽
<無老鍋> 📍銅鑼灣🔸名不虛傳，湯底滋味😋🔸鴨血、豆腐無限Refill 🤩承蒙為食朋友嘅努力，有幸Book到開業接近一年都仍然full到爆嘅無老鍋 🎉 我哋一行五人，叫咗鴛鴦湯底（麵包豆腐湯 & 無老香辣鍋），湯底超好味！！！ 🤤🤤🤤 食物淥完直接食都好夠味，唔洗點豉油調味。建議麵包豆腐放白湯，豆腐吸收晒養生藥材湯，十分滋養；鴨血放火鍋麻辣湯底，麻辣湯辟左鴨血嘅腥味，同時可以提升鴨血鮮味，相得益彰 🥰🥰🥰 幸福感滿滿 💞一大班人打邊爐嘅好處就係可以叫唔同生料，多種類得黎每樣都可以食小小 ☺️上選小牛排 ($368) — 打邊爐梗係唔少得肥牛啦！肥瘦均勻嘅小牛排，食落一啲都唔韌，仲好有牛味！👍🏼 （推薦）日本黑肩豚肉 ($198) — 上枱睇落似火腿 😂 靚豬肉果然唔同啲，師傅刀工好🔪🐷 睇落薄薄一卷豬肉，但食落肉感十足，同小牛排有得Fight。白玉花枝片 ($138) — 花枝片砌到成朵玫瑰花 🌹 單係外表都十分養眼 😍😍😍 花支片個新鮮，輕輕淥20秒，已經爽滑無比。（好吃～ 好吃～）招牌手工三色滑 ($168) — 難食！千祈唔好叫 🫠 從來冇食過啲蝦滑、魚滑、蟹滑咁鬆
🔸名不虛傳，湯底滋味😋
🔸鴨血、豆腐無限Refill 🤩
承蒙為食朋友嘅努力，有幸Book到開業接近一年都仍然full到爆嘅無老鍋 🎉 我哋一行五人，叫咗鴛鴦湯底（麵包豆腐湯 & 無老香辣鍋），湯底超好味！！！ 🤤🤤🤤 食物淥完直接食都好夠味，唔洗點豉油調味。
建議麵包豆腐放白湯，豆腐吸收晒養生藥材湯，十分滋養；鴨血放火鍋麻辣湯底，麻辣湯辟左鴨血嘅腥味，同時可以提升鴨血鮮味，相得益彰 🥰🥰🥰 幸福感滿滿 💞
一大班人打邊爐嘅好處就係可以叫唔同生料，多種類得黎每樣都可以食小小 ☺️
上選小牛排 ($368) — 打邊爐梗係唔少得肥牛啦！肥瘦均勻嘅小牛排，食落一啲都唔韌，仲好有牛味！👍🏼 （推薦）
日本黑肩豚肉 ($198) — 上枱睇落似火腿 😂 靚豬肉果然唔同啲，師傅刀工好🔪🐷 睇落薄薄一卷豬肉，但食落肉感十足，同小牛排有得Fight。
白玉花枝片 ($138) — 花枝片砌到成朵玫瑰花 🌹 單係外表都十分養眼 😍😍😍 花支片個新鮮，輕輕淥20秒，已經爽滑無比。（好吃～ 好吃～）
招牌手工三色滑 ($168) — 難食！千祈唔好叫 🫠 從來冇食過啲蝦滑、魚滑、蟹滑咁鬆散，無彈性，鮮味唔出，唔知食左啲咩落肚。
其他生料仲有芋絲、蟹柳、炸魚皮、烏冬，質素都係正路，無咩大驚喜。
餐廳服務良好，侍應會仔細介紹點餐方法，送上餐前茶水招待，不過茶水有啲難飲（檸檬味有少少清潔劑感覺）🤣🤣🤣
打邊爐期間都不停會自動波加湯、Refill豆腐同鴨血 🥰 餐後仲送上水蜜桃沙冰，比客人cool down爽一下（不過似藥水味）。
Overall 環境舒適，卡位私隱度高，適合一班朋友聚會。
張貼
