豚王 (已搬遷) 新店位置

平日,好彩朋友搶先一步幫手放工拿拿聲去排隊。師父好認真咁煮緊麵,而我好認真咁睇緊...師父前面個條叉燒柱!入面坐位唔算多,但都比中環個間大一倍。勁有日本FEEL,但上麵極之快速!勁夠香港風格~!六點半前去到,都要排隊等到七點先入到席,臨入座就接到ORDER紙,今次先試海老王。海老即係蝦,我唔SURE佢落既係唔係櫻花蝦。因為我知道好多人,只想拿拿聲落單,為左可以快D食到...張單都未算睇得清楚。我揀左味道濃度普通,但其他都選左普通,但蒜蓉揀左多。因為見到之前有人食黑王D湯太"杰"有D嚇親...碗麵係我地坐落五分鐘內上到台,勁快手!D湯飲落去已經知道好足料好夠味,因為普通都FEEL到好濃豬骨同蝦鮮味。一啖麵一啾湯。夾得好好...我另加左紫菜,大大塊,可以等紫色浸軟再食。叉燒肉,半肥瘦係我可接受既範圍,咬落去甘香,肥美,不至過膩!其他配料,黑木耳,蔥都令其有另外既香味及口感。一口接一口真的忍不住往口裡送進。之後台上面D辣芽菜同朋友喪食...增加拉麵一D爽口既口感,由於之前已經加多左蒜,所以台上的生蒜就先不動了!下回再試!現在排隊的人十分多,因此和朋友食完也不敢留太耐,畢竟大家都係為食一碗拉麵