雲來軒 (已結業)

好幾年前，雲來軒這名字其實已經聽聞過，朋友最近又推介，於是平日好少食中菜嘅我，聽到朋友的話當然又心思思想去食啦，今日終於有機會一嘗朋友口中的美食。甫坐下侍應便奉上前菜一碟及茶水， 並遞上餐牌，同時盡力推介餐館的名菜，我們溝通了一輪，便依侍應建議點了幾款菜式。新會陳皮香酥骨  ($ 188)這碟菜的靈魂一定是落在那一小碟用上十年陳皮而製作的醬 ，那股陳皮獨有的香味配合炸過的香酥骨，味道叫人難忘。醒胃話梅雞半隻 ($188)餐館供應全隻或半隻份量，我們叫了半隻，但份量也挺多。雞嫩肉滑，配以用話梅所造的酸酸甜甜醬汁，十分醒胃，偶而還可在石鍋底找到已差不多煮溶的原粒話梅肉，簡直醒胃佳品。杞子花膠濃湯浸時蔬 ( $148) 由白菜仔、杞子、羊肚菌、花膠及濃湯組合之成 ，花膠爽口彈牙，羊肚菌口感柔嫩，聽聞營養豐富有防癌功効；同白菜仔一樣充份吸收了濃湯，味道鮮甜。下次真係要叫多幾個人來一齊食，因為每碟的份量都不少，而且我對好多款推介名菜都十分有興趣，奈何眼闊肚窄，惟有留待下一次吧。