糖朝 (已搬遷) 新店位置

睇完舞台劇後去食宵夜，行到去糖朝，其實未去過但知道出名，主做遊客生意。有理由懷疑遊客口味同地道香港人口味是大大不同，亦都印証了港人係識食o既！order左食物上菜效率奇高，仲快過麥當當。首先上的是炸雲吞，好夠脆口，但可以講句，同街邊煎釀三寶的炸雲吞分別大是太大。之後黎o既係叉燒腸粉，賣相係骨子o既。但可惜，好睇唔好食，腸粉唔夠薄，而且叉燒太硬，一般酒樓都好過佢。最後大家點了的是凍紅豆豆腐花，上檯時夠晒綽頭，用乾冰冰住上，望落去好似不錯，可惜食落口卻是失望，太淡口，紅豆硬！服務是不錯的，可惜最鍾意的是食物質素差，實在不而介紹給遊客。