函館元祖北海道拉麵 (已搬遷) 新店位置

前些日子終於一嚐各食家都讚口不絕0既函館拉麵。夜晚九點幾到，全店得寥寥幾位客人，當中更不乏日本人。因為參考過食評，拉麵點了鹽味及豬骨味，另加叉燒。兩碗0既湯底都十分之濃郁，男友鍾意豬骨味，仲話個湯底濃到好似牛奶咁。而我就較鍾意鹽味，濃郁得0黎感覺清d，冇咁咸。(我覺得兩碗都偏咸，冬天食會好d) 麵方面，我本身對拉麵冇咩研究，只覺得幾好食，連埋大蔥、芽菜一齊食就更正。其實我自己絕少食拉麵，食過幾多次真係五隻手指都數得哂……因為喜好問題，如無必要，應該都唔會再試了。另外一提，店中一位年輕女侍應服務態度幾好，我地冒險將架車泊正0係佢門口，佢仲時不時幫我地睇住，好好人。