泰華清湯腩

營業中

休息中

牛腩貴為港式茶餐表表作之一，不乏有店舖因而成名，「榮登」旅遊書推介清單，傳媒鋪天蓋地的報導，羊群心理下，大家排哂長龍為食一小碗牛腩麵，索價四十多元。當然，能夠保持水準嘅成名牛腩店大有人在，如華姐清湯腩，不過面對日日擠擁的生活，唔排隊都可以食到同樣質素嘅清湯牛腩。在舊式公屋邨總會體會到「高手在民間」嘅說法，由男友引領下到瀝源邨呢間舖面簡陋，平平實實嘅牛腩店食晚餐。我點了清湯腩飯，男友點了咖哩牛腩飯，下單不久老闆娘便端上碗來，飲一口牛腩清湯，味道清淡但不乏有腩香同蘿蔔甜味，牛腩肥瘦均勻，食落係嫩滑的，而且蘿蔔沒有渣! 再來是咖哩牛腩飯，充滿椰香的咖哩汁同牛腩合襯非常，只係牛腩嘅口感沒有清湯腩的嫩滑，較為有嚼勁。