星嵐

營業中

休息中

本身見IG同OpenRice都有好多推介同正評，於是就喺8月尾去試佢個招牌黃金豬扒丼。佢個食法幾特別，係原隻pan咁上上嚟，然之後再倒落去飯嗰度。但除咗個食法之外，個味道就真係冇乜特別。豬扒唔脆，亦都唔香口。蛋亦都係水撈撈冇蛋香。雖則未至於難食，但個人認為唔值得咁多正評同推介。我相信同價錢可以有更加好嘅吉列豬扒丼去選擇。服務方面，水係要自己斟，紙巾亦都唔係放喺當眼位，要問到先會俾。兩個員工企喺度冇嘢做不停吹水。唯一要讚嘅，係餐廳有好多玩具，可以比家庭客嘅小朋友去玩。