影片
更多
2020-09-13
1741 瀏覽
【💛】🉑：外賣自取 ⭐評分: 5/10 ———————————————自中學起已經聽講呢間日本丼有幾正，睇大家啲post睇到口水流，最近終於午市去咗食。唔知係午市較平，所以用料會將貨就價定點，質素真係強差人意。小pin失望到唔相信自己條脷，本身打算夜晚再試一次😓但最後食咗個嘆甜品下午茶所以無試到——————————————————
▪️ 午餐：黑丼 （甜蝦蓉、間八魚、北寄貝、黑飛魚籽）$75▪️ 午餐：赤丼 （三文魚、青瓜、飛魚籽） $75▪️ 小食：醬油炸雞 $48／3出呢個post真係戰戰兢兢，因為呢間素來好評如潮，有讀者都dm話晚市好食又新鮮，屋企人幾年前食過又話正。但我哋親身經驗去食個午市，就真係非常極度失望首先呢度嘅飯唔知點解係熱嘅。你哋實話：日本嘅壽司飯係熱架！😤但佢絕對唔係手溫嗰種微暖，而係真係熱，係你去食豆腐火腩飯嗰種熱....同埋食落無咩醋味，就好似真係係對面茶記食嗰啲飯咁，以為自己條脷壞咗🤯🤯見到openrice個個食呢個黑丼，都話覺得墨魚汁成pat嘢咁，有人更指「分不清口中吃著的是什麼」。但係大家又覺得咁樣無問題喎，食新鮮嘅魚生飯，但唔知
🉑：外賣自取
⭐評分: 5/10
———————————————
自中學起已經聽講呢間日本丼有幾正，睇大家啲post睇到口水流，最近終於午市去咗食。唔知係午市較平，所以用料會將貨就價定點，質素真係強差人意。小pin失望到唔相信自己條脷，本身打算夜晚再試一次😓但最後食咗個嘆甜品下午茶所以無試到
——————————————————
▪️ 午餐：黑丼 （甜蝦蓉、間八魚、北寄貝、黑飛魚籽）$75
▪️ 午餐：赤丼 （三文魚、青瓜、飛魚籽） $75
▪️ 小食：醬油炸雞 $48／3
出呢個post真係戰戰兢兢，因為呢間素來好評如潮，有讀者都dm話晚市好食又新鮮，屋企人幾年前食過又話正。但我哋親身經驗去食個午市，就真係非常極度失望
首先呢度嘅飯唔知點解係熱嘅。你哋實話：日本嘅壽司飯係熱架！😤但佢絕對唔係手溫嗰種微暖，而係真係熱，係你去食豆腐火腩飯嗰種熱....同埋食落無咩醋味，就好似真係係對面茶記食嗰啲飯咁，以為自己條脷壞咗🤯🤯
見到openrice個個食呢個黑丼，都話覺得墨魚汁成pat嘢咁，有人更指「分不清口中吃著的是什麼」。但係大家又覺得咁樣無問題喎，食新鮮嘅魚生飯，但唔知自己食緊咩喎！？なに！？ 🤯🤯
甜蝦蓉冇咩味，飛魚籽正常，而其他兩樣材料都比黑色嘅墨汁掩蓋，店員叫我哋撈勻食，撈完之後更加唔知邊樣打邊樣，淨係知自己食緊好多醬又鹹鹹地、熱騰騰既飯.....🤯🤯
至於赤丼，唔知係咪因為個丼算係重口味，而採用無咁新鮮嘅三文魚。三文魚大概有七小舊。個辣醬唔係平時「辣味三文魚」嗰種感覺，而係似平時煮餸嗰隻「老干媽」😬有少少辣油咁，但食落係唔辣嘅。上面仲撒咗啲脆米，撈勻晒嚟食難食又未至於，未至於要lur出嚟，但就一定唔係好食，可能係個人口味啦哈哈。
炸雞以16蚊嚿嚟講，份量比較細，咁當然會期待好好食🤨醬油調味尚可，朋友就覺得過鹹，咬落個皮好硬，係會刮損上顎嗰種硬，入面啲肉只係過得去，同多汁鮮嫩無咩關係，真心唔值呢個價錢。
食過都應該知佢個碗比較細，加上赤丼魚生份量較少，食完都唔係幾飽，隔咗幾個鐘就要去食嘆甜品窩夫😂😂😂😂
我哋食完覺得可能係午市平啲所以差啲，但係晚市都係有用類似嘅刺身，照計質素唔應該差太遠....又上ig再睇多次其他人嘅食評，發現都有人食午市而又同樣遭遇，大家都好suprise點解自己嘅用餐經驗同其他人咁唔同。
btw老闆娘(?) 女店員嘅態度真係有好大改善空間
✨ 漁匠屋 ✨
📍屯門井財街21號協邦大廈地舖
⏰ 1200-1400 1800-2200 星期一休息
59 瀏覽
0 讚好
0 留言
24 瀏覽
0 讚好
0 留言
56 瀏覽
0 讚好
0 留言
20 瀏覽
0 讚好
0 留言
張貼
