Morton's of Chicago

諗住年尾請同事食餐好一點的，疫情前來過，服務及食物均可以，但這次是完全失望。首先擺枱太擠迫，環境太嘈吵，服務員非常忙碌，沒什麼服務可言。食物方面，蟹餅、龍蝦湯及羊扒係正常嘅。西冷、龍蝦芝士通粉（就是普通芝士通粉放一粒龍蝦作為裝飾）及松露薯條非常一般。甜品份量大但太太太甜頂唔順，食咗一半個個停晒手。埋單每位一千多少少，其實嚟得呢度就預咗。但這樣的食物服務環境，週二晚上全院滿座，心裏真是一千個問號。奉勸大家睇食評真係要認真對待啲負評，之前見到有評語話茶餐廳質素，咁我又覺得冇咁誇張嘅，不過我呢刻真係好明白嗰位樓主嘅心情😂😂😂