永珍越南食館 (已結業)

一直都鍾意食越南菜，記憶中呢間是ok，而且以前喺九龍城幾出名，咁就再encore，唉，老實說，唔可以話難食，但真係唔好味囉，個牛柳粒over cook，海南雞有朕好奇怪嘅雞味蒸粉包一般，包入面唔夠沙葛，所以食起來唔夠爽口，牛肉粉嚿蘿蔔非常美味、又腍又甜春卷一般，反而個西米糕味道唔錯，但又係唔夠料，芋頭好少好少、栗米得嗰半粒仔，食得唔夠𣈱快。值得一提係呢度D伙計，幾唔醒目，堆到滿桌子食物，都唔會主動嚟執走D吉碟，我要叫兩次才記得執，因為第二次我同伙計講，你快點執走隻吉碟，否則，我要捧住隻碟食飯㗎嘞