煲仔榮記 (已結業)

同朋友上堂之前，特登去呢間KOL推介嘅煲仔飯試下係咪真係咁出色，點知冇想像中咁好上菜差唔多等咗四個字，搞到上堂都遲到左，仲要嘢食唔係話特別好食，應該唔會再去😓秘制豉汁白鱔煲仔飯呢個煲仔飯上到嚟個賣相好靚，但係個飯真係冇味，要落佢比嘅豉油同埋蝦油先至會有少少味道，但係平心而論真係唔係特別好食，個鱔份量係多不過都係冇乜特別味道。沙嗲滑牛肉煲仔湯麵呢個等得仲耐好似等咗半個鐘先有，上到菜朋友一食完之後面色一沉向我打眼色我問佢乜嘢事佢話嘩個面冇味😂 跟住我試咗一啖佢個湯真係冇味㗎喎，最後連我本身好鍾意食沙嗲嘅朋友都食唔晒呢個面🫠