新志記海鮮飯店 (已結業)

這店環境一般，枱與枱之間太過緊密，好有壓迫感。觸及座椅非常肥膩，地面滑，要小心行路。叫了生炒腊味糯米飯，雖然名字叫生炒，事實是蒸的，配料嚴重不足，同食評圖片及電視介紹的樣子全不一樣。花生﹑旦絲﹑葱粒全無踪影，撩開飯睇，仔細才搵到幾粒好細小而薄薄的腊腸薄片，細細粒的蝦米仔都頗多﹑仲有大量肥腊肉粒，飯好油，味度尚可。唔知係我當晚黑仔定什麼…餐牌有好多種炖湯選擇，想喝杏汁豬肺湯，說售罄，於是要了一盅海底椰雞腳螺頭湯；小碗﹑小碟及湯売先到，見小碗有些髒，於是用水清洗，髒水倒在小碟內，稍後請侍應幫忙倒去。炖湯上枱喇！真想不到個男侍應好快手的將小碟內髒水倒在枱的中央，讓枱布吸去髒水，再徐即將湯料畢在小碟內。講番個湯，湯及湯料味道都唔錯，(當然小碟底的湯料無食到喇！)，這湯應該是煲的而不是炖的，炖的湯湯清。伙計服務水平如此，實在小見。店內清潔衛生情況有好大的改善空間。