新仙清湯腩 (已結業)

有日要去灣仔做野, 搞掂晒就搵個地方食埋野, 見有間清湯腩, 環境幾乾淨, 又唔洗等位.睇睇餐牌, 牛腩有清湯同咖哩類, 仲有飯麵, 小食之類, 都算多選擇.要左個清湯崩沙腩, 腩位睇落一層一層, 不過油脂位稍為多左些少, 腩肉食落有D起渣, 而且無咩肉味. 至於個清湯比較油, 蘿白唔甜仲有少少苦.仲要左個麻辣手撕雞, 肉質唔太嫩, 辣唔算太辣, 麻味重, 無咩特別.