問卷手卷專門店 (已結業)

話說我上網做research嘅時候，見呢葵廣有幾間手卷壽司店，而呢間問卷手卷壽司店就係評價相對上好嘅一間，幾乎個個page都話佢平靚正，所以將佢擺嚮我嘅必食list上面，可以話係對佢有好大嘅期望，但食完之後，好失望。海膽手卷價錢30蚊嚟講，算係平民同合理，而且份量亦都唔係話少，但質素就好普通，食落唔單只有少少腥味，而且一啲都唔覺得鮮甜。好老實講，如果合埋眼食嘅話，真係會以為自己唔係食緊海膽，可一不可再。