影片
更多
2006-03-09
22 瀏覽
正日已過差不多一星期,今日仲有朋友請食飯,難得.小弟想再一次勇闖重慶吃印度菜,朋友話不如食好少少,去亞士厘道"基籮".兩個麻甩佬,加個咁個名,不知情者,會比人認為去同志場所.在我層面黎講,印度菜我只吃重慶.講到尾始終唔係我首選,久唔久一次半次而已.Gaylord由夏里里拉集團經營,一定有番咁上下級數.環境當然比重慶的Mess club之流,好不知多少倍,如果拍拖吃印度菜,此處更適合.紙醉金迷,但無Bollywood級數的印度西施在場跳舞,但店內有live band,玩的音樂當然係印度野,小弟對音樂接受能力已算好高,唯獨對印度音樂,完全不明所以.來來去去,都係果個音,好似年前亞視賽馬日,經常播的西亞施沐浴露一樣.囉住個menu,完全無頭緒,索性一人一個set dinner算.有素角,炸雞柳,串燒雞球,羊肉卷,香草羊肉,菠菜芝士,烤餅,紅花粉飯,仲有甜品餐茶送.羊肉夠騷,唔算好辣,燒雞球,素角味道不錯.菠菜芝士,一般,唔講都唔知,我係食緊芝士.其他,都係咁上下,印度菜黎講,完全外行.連埋杯幾好飲的芒果Lassi埋齋,兩個人五舊水,張單唔係我埋,多謝老細.自己就未必再來了,黎過見識下就算.
在我層面黎講,印度菜我只吃重慶.講到尾始終唔係我首選,久唔久一次半次而已.Gaylord由夏里里拉集團經營,一定有番咁上下級數.
環境當然比重慶的Mess club之流,好不知多少倍,如果拍拖吃印度菜,此處更適合.紙醉金迷,但無Bollywood級數的印度西施在場跳舞,但店內有live band,玩的音樂當然係印度野,小弟對音樂接受能力已算好高,唯獨對印度音樂,完全不明所以.來來去去,都係果個音,好似年前亞視賽馬日,經常播的西亞施沐浴露一樣.
囉住個menu,完全無頭緒,索性一人一個set dinner算.有素角,炸雞柳,串燒雞球,羊肉卷,香草羊肉,菠菜芝士,烤餅,紅花粉飯,仲有甜品餐茶送.羊肉夠騷,唔算好辣,燒雞球,素角味道不錯.菠菜芝士,一般,唔講都唔知,我係食緊芝士.其他,都係咁上下,印度菜黎講,完全外行.
連埋杯幾好飲的芒果Lassi埋齋,兩個人五舊水,張單唔係我埋,多謝老細.
自己就未必再來了,黎過見識下就算.
張貼
