影片
更多
2022-10-11
102 瀏覽
海之戀商場裏面嘅餐廳眾多，其中有一間名叫🍞Life Toast嘅餐廳，原來呢一間真係全部都係以吐司為主，除咗吐司之外，仲有炸物同野飲等，晏晝想食啲輕食，所以就嚟咗呢間試吓，佢嘅門面睇落去好開揚，都係以黃色做主調，直望有一組超有特色嘅黃色大吐司座位，加埋個咁迷人嘅海景，真係非常寫意，佢哋有升級套餐，一款吐司，一款小食同一杯嘢飲都係加$18咋，若果想轉其他特飲補返差價就可以啦，唔講咁多，即刻介紹吓佢嘅Toast先😆😆🦀軟殼蟹親子滑蛋套餐 $86 :佢哋係用咗嘉頓牌子特厚方包嚟做吐司嘅精髓，將方包烤到金黃色，搽上牛油，夾住裏面豐富嘅餡料，軟殼蟹即叫即整， 用咗極少粉去炸，外脆內軟，熱辣辣放入口真係冇得彈，完全感覺唔到油膩，另外配左滑蛋，佢嘅炒蛋都係無敵，嫩得來非常香滑，另外用新鮮生菜夾住，面層鋪左蟹籽，口感非常豐富，唔好睇小佢係吐司，食完絕對有飽肚感😋😋😋，另外配左🍟紫菜薯條小食，都係新鮮即制，份量適中，上面沾滿紫菜粉，好味😆🥑慢煮雞胸牛油果溫泉蛋套餐 $78 :唔好睇佢好多嘢都係炸物，其實都有非常健康既選擇，呢份雞胸牛油果吐司絕對適合女士，佢所用嘅方包製法都一樣，唯一唔同嘅就係裏面嘅餡料，
🦀軟殼蟹親子滑蛋套餐 $86 :佢哋係用咗嘉頓牌子特厚方包嚟做吐司嘅精髓，將方包烤到金黃色，搽上牛油，夾住裏面豐富嘅餡料，軟殼蟹即叫即整， 用咗極少粉去炸，外脆內軟，熱辣辣放入口真係冇得彈，完全感覺唔到油膩，另外配左滑蛋，佢嘅炒蛋都係無敵，嫩得來非常香滑，另外用新鮮生菜夾住，面層
鋪左蟹籽，口感非常豐富，唔好睇小佢係吐司，食完絕對有飽肚感😋😋😋，另外配左🍟紫菜薯條小食，都係新鮮即制，份量適中，上面沾滿紫菜粉，好味😆
🥑慢煮雞胸牛油果溫泉蛋套餐 $78 :唔好睇佢好多嘢都係炸物，其實都有非常健康既選擇，呢份雞胸牛油果吐司絕對適合女士，佢所用嘅方包製法都一樣，唯一唔同嘅就係裏面嘅餡料，呢份吐司裏面包含住0脂肪嘅慢煮雞胸，佢嘅雞胸肉雖然唔係我食過之中咁嫩，但佢哋都整得算唔錯，始終雞胸肉好難煮得好食，多數都要經過特別處理先至會比較嫩口，佢哋嘅雞胸唔算太老，味道都可以，另外佢哋加咗半個牛油果，牛油果睇落去嘅色澤算新鮮，而熟度啱啱好，食落口感軟綿，令到整個吐司更加昇華嘅係溫泉蛋，當溫泉蛋漏到所有配料既時候，味道即刻唔同咗，不過女士係食嘅方面就比較狼狽，因為我都唔知由邊度咬起，一唔小心就會漏晒出嚟🙊，另外加配左牛油粟米🌽，佢嘅份量好似比較少，但其實食完個吐司都已經九成飽，加埋呢份粟米就啱啱好😆😆
🍹紅西柚香橙凍烏龍，熱桂花烏龍 $36(正價): 嘢飲方面呢一杯凍嘅西柚香橙烏龍，佢嘅味道淡得來反而突出烏龍茶茶底既香，唔鍾意太甜嘅你哋就非常啱飲，西柚拼橙非常開胃，又唔覺酸👍🏻👍🏻，另外一杯係熱嘅桂花烏龍茶，佢哋係用茶包嘅，大概泡5至10分鐘就會出味，都係淡淡地好清新😌😌
張貼
