吳留手居酒屋

營業中

休息中

餐廳：吳留手居酒屋地點：銅鑼灣邊寧頓街菜式：日式居酒屋餐牌：刺身，壽司，一品料理，佐酒小食，燒物類，多款串燒類，食事，冷盤，漬物，甜品，日本清酒，其他酒類，飲品前菜 $32 另加一前菜三點擺盤不俗，分別有牛舌沙律，辣昆布泡菜同白蘿蔔。牛舌沙律係牛舌切絲加上青瓜絲，加上白芝麻粒，撈左豐富既胡麻醬。辣昆布泡菜都幾辣。白蘿蔔好清新。生蠔，刺身同海鮮冷盤一齊冰鎮上枱。處女蠔 $58 一隻 另加一叫左是日精選刺身處女蠔兩隻，連殼上枱。蠔好新鮮，完全唔腥，肉質實在，唔會太鹹。伴有檸檬。蟹膏帶子刺身 $78 另加一蟹膏帶子刺身一客兩件，新鮮甜美帶子墊有一片青瓜，面頭加上火炙蟹膏，蟹膏都好鮮甜。呢款刺身口感特別，味道鮮味。海鮮冷盤 $88 另加一海鮮冷盤有四隻彈牙螺，四隻蜆同四隻連殼海蝦。配有海鮮醬。蝦頭有膏，螺肉都唔錯。鹽燒活鰻 $68 另加一鹽燒活鰻一串兩件，好大件，燒得皮脆肉嫰好多汁又香，唔會過鹹。串燒厚牛舌芯 $68 另加一串燒厚牛舌芯一串三件大中細，真係非常厚切，啖啖肉又彈牙，伴有少少沙律菜同檸檬。西班牙黑毛豬鞍 $148 另加一西班牙黑毛豬鞍擺盤好精美，一共十塊黑毛豬鞍肉切好，伴有一支骨。