媽咪雞蛋仔 (已結業)

有日係尖沙咀食完飯之後朋友提議食呢間既雞蛋仔，因為秋冬出左隻限定款—栗子雞蛋仔。下午大既2點幾，估吾到都幾多人，已經有條人龍。栗子雞蛋仔一底32蚊，都算幾貴，但見限定同朋友話好食就試下啦。我地落左單之後，係附近行左一陣先番黎攞，總共等大概15分鐘度。個熱蛋仔熱辣辣又超香，我地即刻趁熱食，點知第一粒雞蛋仔係無栗子、第二粒都無、第三粒都無....外圍既頭一層基本都無栗子，第二層開始有，最後其實差吾多得一半既雞蛋仔係有栗子。但有栗子既雞蛋仔真係超好食，同個雞蛋仔既餅皮好襯。雖然好食，但都幾滯，兩個人食都覺得幾飽。朋友係銅鑼灣既分店食過，話係粒粒都有栗子，所以覺得尖沙咀呢間吾係咁足料。我下次都會幫襯其他分店。