來多碗車仔麵 (民裕街)

營業中

休息中

由細到大，都好鐘意食車仔麵，因為可以自已揀啲鍾意食嘅餸！星期六同媽媽行完街，於是就嚟呢間鋪頭食個下午茶。呢度食野需要排隊自己叫餸，見到咁多嘢食，簡直心花怒放。我和媽媽都各自叫咗四餸。我要河粉，蘿蔔、牛腩、豬腸、玻璃魷魚。蘿蔔炆得勁腍，而且十分鮮甜，無渣，並且充滿湯汁， 十分出色。玻璃魷魚都好好味， 魷魚晶瑩剔透，十分爽口！豬腸洗得十分乾淨，完全冇內臟嘅味道，亦都見唔到肥肥的油脂層，食落十分安心。另外，我叫了一杯凍豆漿，甜度適中，如果有熱豆漿更佳。