好叉好味 (德民大廈) (已結業)

WOW焦蜜叉燒菜飯底＋蛋（＄51＋＄7＝＄58）呢間舖出夠多唔同口味嘅叉燒，試野一定係先傳原味，原味做得好，試其他先有意思。先講講，佢＄7蚊有2隻蛋都算幾抵加！如果大食少少朋友可以諗諗佢！唔係cheap蛋，大家睇相見到半生熟，香！唔油，唔錯！叉燒肉身算鬆軟，唔係平時食傳統口實嘅口感，都未到貴價叉燒好多d果d入口融化嘅口感，中間！我感覺佢肉材唔錯！都有肉味！而蜜都係度，唯一唔好就係唔見左個「焦」，有叉燒肉香，又冇叉燒焦香失敗左少少！個菜飯新鮮，唔會黃甘甘。大家都知平時叉燒飯條菜都唔知食唔食好，轉左菜飯當食左菜都幾好！WOW柚香叉燒菜飯底＋蛋（＄53＋＄7＝＄60）呢個感覺就有少少似燒鵝加梅醬嘅邏輯，酸甜味中和叉燒油膩感。個柚味就有d似平時大家飲嘅柚子蜜，不過可能係因為佢本身個叉燒都唔係油膩果種，係肉多肥少，在我角度不夠半肥瘦，冇需要中和。我自己就傾向覺得原味好食d，但呢個野可能比較適合女士。總體感覺，大家見到個飯包裝幾得體，杯飯放得都靚仔，好似office人官仔骨骨如我食。個杯唔算細，都幾深，唔存在唔夠飽。不過大家見到佢個杯口點都冇可能夠飯短闊，係一層叉燒之下，叉燒嘅份量明顯比出面嘅叉燒