印尼沙爹屋 (已結業)

留意左呢間小店好耐，平時行過都聞到陣香味，但因為無堂食關係，之前一直無試。最近疫情嚴峻，盡量選擇外賣，減少在外逗留時間，所以終於有機會試下！沙爹雞脾飯打開飯盒聞到好香沙爹味，賣相望落好似黑黑地，但食落無焦燶味，雞脾肉仲好嫩滑。沙爹汁係偏向花生味，完全唔辣，撈飯好食！（如果用黎撈麵應該仲正！）飯盒邊仲有花生，銀魚仔同菜。同事搭單柯打雞肉串燒，佢地都話好好食！Openrice個外賣自取新用户優惠買滿$40減$20，雖然個價錢貴左$1-3，但都抵食！