印尼沙爹屋 (已結業)

我同我女朋友已經幫襯咗呢間鋪頭好耐。以前佢既雞扒嘅質素非常之好，令我回頭不少次。 但係依家雞排嘅質素真係低到慘不忍睹｡ 雞排真係薄到成張紙咁，毫無質感，體驗極差。雖然佢冇加到價，仍然都係35蚊一塊，但係質素奇差。 身為一位熟客我真係對佢失望頂透，每幫襯一次就失望一次。事實係我好想搵翻當初既質素，所以一次又一次比機會佢，然而佢只係越來越無料，恐怕係轉左來貨商，雞排既質素, size等等都唔再值呢個價錢。我已經決定放棄。。想食雞排既，千祈唔好幫襯佢。😡😡

經過依間只賣沙嗲～鋪仔細細間諗住支持下～感覺應該開咗好耐～就試吓個沙嗲好唔好食先～可能唔係食飯時間冇咩人排隊叫咗兩個飯外賣返屋企慢慢嘆巴東牛肉飯分兩個份量有兩塊或者三塊～我叫咗中份量有兩片牛肉～不過塊圓形牛肉細得過分～汁又唔係好多～味道還好唔係特別好食沙嗲豬扒飯汁比另外個飯多～不過賣相認真麻麻～見到都冇咩胃口～豬扒又細塊不過叫試吓囉～應該冇下次～疫情期間依個價錢認真唔抵食～外賣自取其實仲有好多選擇

留意左呢間小店好耐，平時行過都聞到陣香味，但因為無堂食關係，之前一直無試。最近疫情嚴峻，盡量選擇外賣，減少在外逗留時間，所以終於有機會試下！沙爹雞脾飯打開飯盒聞到好香沙爹味，賣相望落好似黑黑地，但食落無焦燶味，雞脾肉仲好嫩滑。沙爹汁係偏向花生味，完全唔辣，撈飯好食！（如果用黎撈麵應該仲正！）飯盒邊仲有花生，銀魚仔同菜。同事搭單柯打雞肉串燒，佢地都話好好食！Openrice個外賣自取新用户優惠買滿$40減$20，雖然個價錢貴左$1-3，但都抵食！

一直都想試下呢間印尼小店，今日終於的起心肝走過去。呢間位於紅磡既印尼小店主打外賣，舖面只有一張小圓枱。我今次見左個外賣: 巴東牛肉飯，百香果奶昔沙冰。雖然主打既應該係沙嗲串燒，不過今次食唔到咁多，留番下次。巴東牛肉飯有分大/細，就係在於3舊牛肉同兩舊既分別。而我就揀左大。一打開盒飯，三舊巴東牛肉同埋啲汁好香，配埋黃飯，花生，魚干同條菜，色，香已經有，巴東牛肉佢地揀既係厚身牛，啖啖肉好正，汁同黃飯都好夾，味道好好，唔知算唔算係太遲黎呢最後係連餐加錢換既百香果奶昔沙冰，佢係偏向流質，唔會話飲到最尾重有成舊冰係冰，佢地連百香果既籽都有，可見誠意滿分，而唔係就咁用糖漿去開。下次要試埋串燒先得!

之前經過筲箕灣東大街的印尼沙嗲屋，被串燒香味吸引， 好想食，但原來在紅磡開了分店。 老闆很友善好客熱情，特意搬小枱在店舖外面，空氣流通方便我二人進食， 他我們等得太耐，跟我們聊天，因雞扒芝士流心太厚，雞即叫即炸，製作需時要耐心等候。 沙嗲羊肉 $15沙爹豬肉 $14 沙嗲牛舌 $17印尼串燒的精髓是沙爹醬， 不辣味道少甜，夾雜著粒粒的花生碎，串燒即叫即燒，羊肉帶點肥膏，帶油香，十分香口，無帶點羶味。手掌芝心雞扒$35雞扒皮脆卜卜肉質嫩滑，很多肉汁，一點都不乾柴，芝士一湧而出， 淡淡的芝士味， 食落不會覺得太油膩，外皮炸得很脆，味粉調味適中不會太鹹， 雞扒的確是一隻手掌的size。

成日都叫呢間食，而家疫情嚴峻，最岩就叫外賣，超濃沙嗲味！最中意雞肉雞扒！好嫩口，唔會燒到好干，同埋夠大塊！羊肉就唔係咁推薦，有啲筋。魷魚係每次必叫🦑個度就冇咩座位，同埋每次都係即叫即燒，所以等待時間會比較長。

之前聽朋友講紅磡有間沙嗲舖吾錯就有晚黎買咗幾盒外賣番屋企試。佢嘅沙嗲就真係出哂名，上次去買都等咗陣，因為都吾少人慕名而黎，雖然間舖效率係低咗少少，落完order 廿分鐘先攞到4盒外賣，但佢嘅沙嗲飯盒味道絕對係令等待嘅時間值回票價。我同朋友叫咗幾個飯，分別係2盒沙嗲豬排飯同2盒沙嗲豬頸肉飯，雖然少辣對我呢個吾食得辣嘅人黎講都係有少少辣，但味道吾錯，大家下次行過記得買盒番屋企試試！！

準備返屋企又有啲餓，所以想食個宵夜。成條街嘅鋪都收晒，就係一間仲有人排緊隊，望一望個餐單，又有飯又有串燒仲有台式飲品，梗係要試試佢！呢間店門口有個電視播緊媒體嘅訪問，叫得做印尼沙嗲屋，一定係出名食串燒，所以我叫咗三款試下，鮮魷、雞肉同腐皮卷。媒體報道講到啲醬有幾出名，等我試吓先。味道覺得唔似平時食沙嗲醬咁，花生味冇咁濃，反而係比較甜，而且口感濃厚好多，亦食到花生香。不過香港人偏重口味，呢個醬唔算太咸。鮮魷好大隻呀！但唔算太新鮮，口感亦唔太爽，不過配返偏甜嘅汁就好好味。雞肉來講，都係燒得香口好味啲，因為呢度嘅燒法係燒完所浸落醬汁到，所以唔會好似港式串燒咁香脆。腐皮卷（冇影）似魚肉春卷，配呢個汁都幾夾，好想食返兩啖飯😆整體來講，有時食港式/日式串燒食到悶，偶然食下呢間正宗印尼串燒都唔錯，下次來會試埋飲品！

位於筲箕灣東大街的印尼沙爹屋開業至今逾20年仍屹立不倒，不過位置對於九龍新界人而言的確不太方便，早前原來已經低調地在紅磡開設分店，與魔法雞扒處於同一舖位。 雖然串燒款式不及總店繁多，而且不如總店一樣以炭爐燒烤，不過全部串燒都於總店醃製後再運到紅磡分店，而沙爹醬亦是總店老闆自家新鮮炒製，確保原汁原味並保持筲箕灣總店一貫水準。 印尼串燒精髓所在固然在於其沙嗲醬，由花生、黃豆、南薑、黃薑、乾蔥等炒製而成，可以選擇不辣、小辣、中辣或大辣，不辣反而更能突顯沙嗲香氣，味道帶甜而且當中有粒粒花生碎，混合黃豆作調和令花生味香而不烈，整體口味比較大眾化亦不會過份濃重，相信選辣的話應該更加惹味。 雖然沙嗲醬才是重中之重的靈魂所在，但出乎意外地無因此而忽略串燒本身的質素，所有串燒均是即場生燒，外皮燒得略微焦脆，點了沙爹牛肉 ($13)、沙爹羊肉 ($14)、沙爹雞肉 ($13)及沙爹豬肉 ($13)，肉質麵都爽滑並富油香，尤其是羊肉油潤豐腴之餘不帶絲毫腥羶味。 另外亦有豬頸肉 ($25)等其他肉類，更有各式飯類供應，絕對能捧腹而回。 印尼珍多冰 ($25)以椰汁混合椰糖調製，濃厚椰香四溢而啫喱粉條則帶淡淡斑

紅磡黃埔新邨呢頭出哂名多野食，但小食店都轉手轉得好快，感慨做生意很不容易。千想萬想都想不到，位於筲箕灣東大街的印尼沙爹屋會開分店開到來紅磡呢度。那間分店真係幾時都咁多人排隊食串燒，仲要遠處都已經香到爆！今次紅磡的街坊有食神啦！新店的裝修比起老店新淨好多，感覺上衛生多。門口有電視播住各式媒體介紹。發現除了賣沙爹，仲有賣而加興的珍珠奶茶之類的手調飲品，同埋台式炸雞排之類的小食。或者都想開拓下多啲生意。今次我食左一串沙爹豬肉同一串沙爹雞翼，中辣。因為真係要現場即燒，所以都等左好一陣子。無辦法啦，想食新鮮的串燒都要等下啦！見到師傅仲幫我將啲燒燶左雞翼的部份剪走去，好細心，然後淋上沙爹汁，正呀！雞翼完全係外脆內軟，好多肉汁流出來，肉好滑，皮勁脆，配上那自家製，濃濃的沙爹汁，相信裡面有好多香料炒製，好香花生味，點埋啲汁，真係太好吃了！還有那串燒豬肉，肉很淋滑，都是燒得好香口。最後好想＂奶＂哂啲汁去！　老闆還好好人好友善～讚～短短的用餐體驗，帶來大大滿足感。支持小店，之後會繼續多啲來～

二月十四，我邀請 mandy去美麗華酒店食buffet 被拒絕之後，晚上我一個人在紅磡度步。 係一個生無可戀嘅狀態之下，我聞到一絲絲沙嗲嘅味道，於是揾到呢個印尼 沙嗲屋。我點咗一個雞扒飯，42蚊。 就係我等緊外賣時候，喺我身邊一對男女都喺度等緊。 當時見到佢哋喺度纏綿，就令我諗起點樣畀mandy拒絕。 我真係好想跑返屋企喊， 但係我個飯就煮緊，老細又話就嚟得。 我唯有忍著淚，等待我的雞扒飯。當我返到屋企打開呢盒飯嘅時候， 發現有 好多沙爹醬， 有好多雞扒，有啲花生又 有啲蔬菜仲有好多飯。於是我攞個磅磅下盒飯，原來有成600 gram。 味道又真係唔錯， 有得揀辣同唔辣，我就揀左小辣。 都真係好香，亦都食得好飽。 我一路食 一路同自己講，明天會更好 ， 而呢一盒飯就係情人節畀我最好嘅安慰。

同老公晚飯過後逛了一會，還是覺得肚餓和口痕，便到了附近看看有什麼小食可以輕嚐。🤔🤔發現到本來的台式炸雞店最近亦引入了印尼沙嗲串燒，即管試試它！串燒選擇大多以肉類為主，亦有其他沙嗲飯類選擇！我們倆點了共3串串燒share😝，分別點了牛肉司華力腸，以及食串燒必點的燒雞翼，辣度要了小辣🌶。一打開已嗅到香噴噴的沙嗲味😍，串燒都佈滿着醬汁，看到都。他們家的沙嗲汁帶有D花生粒，甜甜地，好惹味，但如果加多少少辣味會更好。雞翼略嫌烤得不夠香，但overall 我地覺得都是一個不錯的宵夜選擇😉

好鍾意食沙爹既小妹一直都好想試印尼沙爹屋同蘭英印尼小食…但因為太遠…遲遲都未試到😣今次印尼沙爹屋開左分店係紅磡，就去左試喇！佢前身係魔法雞排，夾埋沙爹屋做一間，係外賣店，出面開左2張枱仔可以坐下沙爹飯（三串：任揀豬/牛/雞）揀左2雞1牛，要唔辣。沙爹汁超慷慨，多到睇唔到個飯，上面有銀魚仔同花生碎，沙爹汁帶甜味有花生香味，唔知係咪太高期望…覺得味道有啲單一，可能要啲啲辣會好啲，雞肉牛肉火喉都控制得唔錯HKD52多力滋雞排（香辣，芝士粉）佢有好多唔同款雞排，仲可以揀唔同調味。外皮脆，雞唔韌，不過有點過鹹…HKD35