影片
更多
2021-11-21
24 瀏覽
屋企附近開左間日本壽司店，sell お任せ (Omakase)。上OpenRice發現原來呢間舖頭喺港島區都有分店，就嚟咗太子開舖頭。響門口嘅餐牌見佢又唔係好貴，所以就約朋友仔一齊入去試吓。入到去鋪面唔係好大，我哋就被安排坐響吧枱，望住廚師佢哋製作壽司。枱面有綠茶粉同埋有熱水位可以自助沖綠茶飲。因為第一次食，首先想試吓佢啲刺身夠唔夠新鮮，所以今次淨係叫咗一個刺身丼飯同埋壽司拼盤，小試牛刀一下。三色丼配料有海膽、帆立貝同三文魚籽食材幾新鮮，而且冇腥味，份量都好足夠。海膽夠晒creamy。幾欣賞啲Wasabi係自己新鮮磨，唔係現成，而且唔太辣。酸薑都幾新鮮，葉得唔太酸。成個組合好好。壽司拼盤有10件包括油甘魚、三文魚、甜蝦、真鯛、帆立貝、三文魚子、池魚、吞拿魚腩、北寄貝、辣味三文魚除咗普通嘅魚之外，其他有啲魚唔係好認識，例如係真鯛同池魚。唔係好分到佢哋，所以就問咗店員究竟佢哋係乜嘢，然後佢哋都即刻解答到我。食材照樣係好新鮮，飯嘅味道都係好香。尤其係辣味三文魚軍艦，飯加咗麻油，非常之惹味。值得一讚嘅，係師傅嘅功力。飯嘅份量適中，而且拎起嘅時候完全冇散開過。以往食其他舖頭、一啲日本壽司連鎖店，
入到去鋪面唔係好大，我哋就被安排坐響吧枱，望住廚師佢哋製作壽司。枱面有綠茶粉同埋有熱水位可以自助沖綠茶飲。
因為第一次食，首先想試吓佢啲刺身夠唔夠新鮮，所以今次淨係叫咗一個刺身丼飯同埋壽司拼盤，小試牛刀一下。
三色丼
配料有海膽、帆立貝同三文魚籽
食材幾新鮮，而且冇腥味，份量都好足夠。海膽夠晒creamy。幾欣賞啲Wasabi係自己新鮮磨，唔係現成，而且唔太辣。酸薑都幾新鮮，葉得唔太酸。成個組合好好。
壽司拼盤
有10件包括油甘魚、三文魚、甜蝦、真鯛、帆立貝、三文魚子、池魚、吞拿魚腩、北寄貝、辣味三文魚
除咗普通嘅魚之外，其他有啲魚唔係好認識，例如係真鯛同池魚。唔係好分到佢哋，所以就問咗店員究竟佢哋係乜嘢，然後佢哋都即刻解答到我。食材照樣係好新鮮，飯嘅味道都係好香。尤其係辣味三文魚軍艦，飯加咗麻油，非常之惹味。值得一讚嘅，係師傅嘅功力。飯嘅份量適中，而且拎起嘅時候完全冇散開過。以往食其他舖頭、一啲日本壽司連鎖店，夾起身一點豉油，啲飯就即刻散晒。但係呢度啲飯爆得好好，所以食得好安心。
埋單大概$400到。因為食材新鮮，而且師傅手勢好，所以我覺得物有所值。咁下次再嚟嘅時候，我哋就可以安心試吓Omakase了。
張貼
